АҞӘА, ԥхынҷкәын 21 –Sputnik, Саид Барганџьиа. Аԥсны акырынтә иаҭаахьаз ашәҟәыҩҩы, апоет Константин Симонов диижьҭеи шәышықәса аҵра иазкыз ахәылԥаз мҩаԥган Москва ҳәа ҳзааицҳаит аҭоурыхдырыҩ, ашәҟәыҩҩы Денис Чачхалиа.
Иара иажәақәа рыла, ахәылԥаз еиҿкаан Москватәи аԥсуа диаспора аԥшьгарала. Апроект налыгӡеит Инна Барчанԥҳа.
"Идырбан Константин Симонов изкыз авидеоролик, ишәҟәқәа рҟынтәи ажәеинраалақәа ирыԥхьан. Аԥсны жәлар рартистка Алиса Гыцԥҳа иналыгӡеит аурыс романсқәа" — иҳәеит Чачхалиа.
Иара иазгәеиҭеит ахәылԥаз араӡынтә шәышықәса амузеи аҟны имҩаԥысит ҳәа.
Иара убасгьы иҳәеит Симонов Аԥсны даҩыза иашан дыҟан ҳәа.
"Акыр ирацәоуп Симонов Аԥсны азы иҟаиҵаз, аԥсуа культураз илиршаз" — иҳәеит Чачхалиа.
Константин Симонов аурыс совет шәҟәыҩҩы, апоет, акиносценарист, ажурналист, ауаажәларратә усзуҩ, Асоциалист џьа афырхаҵа, Ленин ипремиа алауреат, Сталин ипремиақәа фба рлауреат.
