"Аԥсныргылара" ибгаз амҩахәҭа аремонт хнаркәшеит

© пресс-служба АпсныргылараИшьақәыргылоу Аҟәа араион Аҩада Ешыра иаҵанакуа ацентртә мҩаду ахәҭа.
Ишьақәыргылоу Аҟәа араион Аҩада Ешыра иаҵанакуа ацентртә мҩаду ахәҭа. - Sputnik Аҧсны
Анапаҵаҩра
НовостиTelegram
Аҳәынҭеилакы "Аԥсныргылара" ишьақәнаргылеит Аҟәа араион Аҩада Ешыра иаҵанакуа ацентртә мҩаду ахәҭа.

АҞӘА, жәабран 4 — Sputnik, Роберт Џьапуа. Аҳәынҭеилакы "Аԥсныргылара" азанаҭуаа ишьақәдыргылеит аԥсабаратә рыцҳара иахҟьаны иҭабгаз Аҟәа араион Аҩада Ешыра иаҵанакуа ацентртә мҩаду ахәҭа, ҳәа аанацҳауеит Аҳәынҭеилакы апресс-маҵзура.

Аҳәынҭеилакы "Аԥсныргылара" азанаҭуаа ишьақәдыргылеит аԥсабаратә рыцҳара иахҟьаны иҭабгаз 120 метра иҟоу Аҟәа араион Аҩада Ешыра иаҵанакуа ацентртә мҩаду ахәҭа. Аиҭашьақәыргылара иахҭынҵоуп 22 миллион мааҭ. Аусурақәа хымз инарзынаԥшуа ицон.

Аҳәынҭеилакы "Аԥсныргылара" адиректор хада Игор Казанба иазгәеиҭеит аусурақәа зегьы рхаҭабзиара шыҳараку.

"Аусураан иаҳԥылаз ауадаҩрақәа ирыхьмырԥшыкәа иҟаҵоу зегьы хаҭабзиарала иҳаракуп. Иаарласны араҟа акаҭран ықәырҵараны иҟоуп", — иҳәеит Казынба.

Аҟәа араион Аҩада Ешыра иаҵанакуа ацентртә мҩаду ахәҭа ҭабгеит аԥсабаратә рыцҳара иахҟьаны 2015 шықәса ԥхынгәы 11 рзы, ҩ-ҭыԥк рҟны. Иааидкыланы иара аура иартәеит 120 метра, аҭбаара – 10 метрак.

Ажәабжьқәа зегьы
0