Ажьырныҳәа 25 инаркны мшаԥымза 15 аҿынӡа ареспубликаҟны имҩаԥысуеит афымцамч арцәара. АУН "Амшынеиқәафымцамч" ахаҭарнакцәа ишырҳәо ала асеиԥш ҟарымҵар ада ԥсыхәа амамкәа иҟалеит аӡеизакырҭаҟны аӡы ахьылаҟәыз иахҟьаны. Жәабран 9 рзы аԥснытәи ажурналистцәа аҭаан ирбеит "Егры ГЕС". Астанциа анапхгара аԥсуа АИХ (СМИ) рзы имҩаԥыргеит аекскурсиа: аплотинеи аӡеизакырҭеи рахь инаганы иддырбеит, ирзеиҭарҳәеит иҟоу апроблема атәы.
Аԥсны афымцамч ахархәара еиҿырымкаар, аԥхьаӡагақәа ықәыдмыргылар, ашәахтәқәа рымшәалар ҩышықәса рышьҭахь Аԥсны фымцалашарада иаанхар алшоит, ҳәа иҳәеит ЗҲӘА "Егыр ГЕС" адиректор хада Леван Мебониа.
"Егыр ГЕС" атехникатә директор Гиа Хубуа иазгәеиҭеит заа асырӡ млеир аӡеизакырҭаҟны аӡы ахышәа-ҵышәа 420 метра рҟынӡа илаҟәыр алшоит ҳәа. Асеиԥш аан аинструкциа инақәыршәан афымцастанциа аусура аанкылазароуп.
"Агәыӷра ыҟоуп асырӡ хәажәкыра алагамҭаз алеира иалагап ҳәа. Аҳауатә ҭагылазаашьақәа маншәаламхар — мшаԥымза агәҭаны", — иҳәеит Хубуа. Иара иазгәеиҭеит аҵыхәтәантәи ашықәсқәа рзы Аԥсны афымцамч ахархәара акыр ишеизҳаз, 100 процентк рҟынӡа ишнеиз.
Иара иажәақәа рыла аамҭа-аамҭала афымцамч арцәара иззыԥшыз алҵшәақәа аурыжьуам.
ЕгырГЕС аӡкыра аусура иаларган 1978 шықәса рзы. Жәабран 9 рзы аԥснытәи ажурналистцәа аҭаан ирбеит "Егры ГЕС".
Егрытәи аӡкыра Қырҭтәыла иахьаҵанакуоуп иахьыҟоу. Иара аҳаракыра 270 метра ыҟоуп
ЗҲӘА "Егры ГЕС" адиректор хада Леван Мебониа асхемаҟны еиҭеиҳәеит аӡкыра аусушьа
Аӡкыра аҭбаара 52 метра инаӡоит, амчлшара – 1300 мегаватт
алшоит, ҳәа иҳәеит ЗҲӘА "Егыр ГЕС" адиректор хада Леван Мебониа. Иара убасгьы иазгәеиҭеит заа асырӡ млеир аӡеизакырҭаҟны аӡы ахышәа-ҵышәа 420 метра рҟынӡа илаҟәыр алшоит ҳәа. Асеиԥш аан аинструкциа инақәыршәан афымцастанциа аусура аанкылазароуп.
