АҞӘА, жәабран 22 — Sputnik. Facebook адырра ҟанаҵеит асоциалтә ҳақәа рзы аҟәша ҿыц аусура ишалаго азы. Абри атәы аҳәоит аилахәыра асаит аҟны.
"Ҳара еизаагеит акоманда, ԥхьаҟазы авиртуалтә реалраҟны аинырра ҭызҵаауа, уи иахьатәи атехнологиақәа VR рхархәарала алыршашьас иамоу, ԥхьаҟатәи аԥеиԥшқәа", ҳәа аҳәоит асаит адырраҭараҟны.
Иара алацәажәоит "виртуальная реальность" (VR) иахьатәи аамҭазы аилахәыра Samsung атехнологиақәа рылшарала уалакьысыртә, иунырыртә еиԥш ишыҟоу. Аплатформа Gear VR аҭирахь икылыргеит 2015 шықәса абҵарамзазы. Иахьазы иара акыр ишрылаҵәо, миллион сааҭ инарзынаԥшуа авидео иарала ишахәаԥшхьо.
"Ԥхьаҟазы "виртуальная реальность" (VR) иалнаршоит аимадара ҿыцқәа раԥҵара, адунеи ахи аҵыхәеи рҟны инхо аиҩызцәа еиҳа еизааигәаны рыҟалара", ҳәа аԥхьаӡоит Facebook.
Акоманда аус рулоит аилахәыра Facebook агәыԥқәеи агәыԥ Oculus рыцхыраарала.
