Урыстәыла Аԥсны иацхраауеит аенергетикеи абанктә системеи рыҿиараҟны

© Sputnik / Сергей Мальгавко / Афотобанк ахь аиасраАфымцамҩангага.
Афымцамҩангага. - Sputnik Аҧсны
Анапаҵаҩра
Yandex newsTelegram
Рауль Ҳаџьымбеи Владимир Путини русутә еиԥылараан иалацәажәеит Аԥсны абанктә система аиӷьтәреи аенергетика аусхк апроблемақәа рыӡбреи ртәы.

АҞӘА, жәабран 23 — Sputnik, Наала Аҩӡыԥҳа. Рауль Ҳаџьымбеи Владимир Путини русутә еиԥылараан иалацәажәеит Аԥсны абанктә система аиӷьтәреи аенергетика аусхк апроблемақәа рыӡбреи ртәы. Абри атәы иҳәеит Рауль Ҳаџьымба аҩашатәи ибрифинг аҟны.

Иара убасгьы иҳәеит Москва ишымҩаԥысыз аенергетика аминистр Александр Новаки иареи реиԥылара. Аганқәа алацәажәеит Аԥсны аенергетика апроблема аӡбразы аусутә гәыԥқәа аԥырҵарц. Владимир Путин иԥылараангьы ишьҭыхын ГЕС маҷқәа реиҭашьақәыргылара азҵаара.

"Путин аенергетика аминистр аҭел дизасит, ҳажәалагалақәа азыԥхьагәаҭаны азҵаара шыӡбтәу дазхәыцырц идиҵеит. Далацәажәеит асовет аамҭазы аус зуаз астанциақәа реиҭашьақәыргылараҟны ацхыраара шыҟаиҵо", — иҳәеит Ҳаџьымба.

Иара иажәақәа рыла иҟалоит Владимир Путин Аԥсны даҭаар.

Ажәабжьқәа зегьы
0