АҞӘА, хәажәкыра 1 — Sputnik, Бадраҟ Аҩӡба. Аҟәа ақалақь Акоммуналтә усбарҭа аиҳабы Елена Атепина иаҳзеиҭалҳәеит Аҟәа арыцқьагақәа аусура ишазырхиоу.
"Ҭырқәтәылантәи аҟазауаа, арыцқьагақәа аремонт рзура иаҿыз, аараны иҟоуп хәажәкыра 5 рзы, урҭ аусура раларгаразы. Иаҭахны иҟоу аԥарақәа азоужьуп. Мызк аҩныҵҟа алабараториазы ареагентқәа ааҳхәоит. Уажәазы аофистә ҩнымаҭәа аахәара ҳаҿуп", — лҳәеит Атепина.
Лара убасгьы илҳәеит ҭырқәтәылатәи аҟазауаа хәажәкыра 5 рзы изымаар, арыцқьагақәа аусура иаладыргар рылшоит урыстәылатәи азанаҭуаа.
"Ҭырқәтәылатәи аҟазауаа хәажәкыра 5 рзы изымаар, арыцқьагақәа аусура иаладыргар рылшоит урыстәылатәи азанаҭуаа. Урҭ арахь иааҳаԥхьоит еилаӡарыла. Ҳара ҳахь иаахьан Красноиарсктәи аинститут аусуҩцәа. Урҭ имҩаԥгоу аусурақәа рыхә ҳаракны иршьеит. Ирҳәеит Урыстәылагьы ишыҟам асеиԥш иҟоу арыцқьагақәа", ҳәа азгәалҭеит Атепина.
Лара далацәажәеит имҩаԥгахараны иҟоу аусурақәа ареспублика аекологиа иацхраараны ишыҟоу.
"Арыцқьагақәа русура аекологиа еиӷьнатәуеит" — лҳәеит лара.
Аобиект 2012 шықәсазы ихацыркхеит. Иара Аԥсны Аҳәынҭқарра асоциал-економикатә ҿиара ацхрааразы Акомплекстә план иалархәын. 600 миллион мааҭ рҟынӡа ныхын иаразы. Апроект инақәыршәаны арыцқьагақәа ирымоуп алшара 30 000 кубԥшьыркца аканализациатә црыҵқәа аус рыдулара.
