Ажурнал "Алашара" аредакциеи, "Жәларбжьаратәи афонд Аԥсни" раԥшьгарала аԥсуа пародиеи алафи рныҳәа мҩаԥган Аԥснытәи аҳәынҭқарратә университет азал хадаҟны.
Аԥсуа пародиеи алафи рныҳәа мҩаԥигон ажурнал "Алашара" аредактор хада Анатоли Лагәлаа, араҟа алафи аччареи аҳра руан.
Аԥсуаа жәытә- натә аахыс алафҳәареи алахҿыхреи пату рзақәуп, абри атәы арҵабыргуеит хыԥхьаӡара рацәала ауаажәларра ирылаҵәаны иҟоу аԥсуа "анекдотқәа".
