Пицунда иаартуп апатырџьанқәа рааӡаразы арԥхагатә комплекс

© SputnikТеплица.
Теплица. - Sputnik Аҧсны
Анапаҵаҩра
НовостиTelegram
Аобиект ацхыраара ҟанаҵоит ареспублика аекономика ашьҭыхразы. Апатырџьанқәа рҽаҩра аҩныцҟатәи аџьармыкьеи атәыла анҭыҵи ирышьҭратәы иҟалоит.

ПИЦУНДА, мшаԥымза 8 — Sputnik, Роберт Џьапуа. Ахәаша, мшаԥымза 8 рзы Пицунда официалла иаартуп апатырџьанқәа рааӡаразы арԥхагатә комплекс.

Арԥхагатә комплекс аинвесторцәа руаӡәк Вехби Озкоч иазгәеиҭеит акомплекс аргылара хышықәса инареиҳаны ишаҿыз.

"Аобиект ареспублика аекономика ашьҭыхра иацхраауеит. Аусуҩцәа 400 инаркны 1750 доллар рҟынӡа аулафахәы роуеит. Мышкы хынтә акрырҿарҵоит. Аусуҩцәа рзы анхарҭақәагьы азыԥхьагәаҭоуп", — иҳәеит анаплакҩы.

Аԥсны Ахада Рауль Ҳаџьымба далахәын акомплекс аартра. Иара иазгәеиҭеит аобиект аԥаразоужьра аинвестициатә программа ишаҵанакуаз.

"Аргылара уаанӡатәи анапхгара иазыԥхьагәарҭахьан. Аиаша уҳәозар аусурақәа бзианы ишьақәыргылоуп. Араҟа зегьы азыԥхьагәаҭоуп ишақәнаго еиԥш. акызаҵәык зегьы афымцамч иадҳәалоуп. Иҟалон аҽакала ишьақәыргылазаргьы. Даара ибзиоуп аусурҭа ҭыԥ ҿыцқәа ахьаартхо. Асеиԥш иҟоу апроектқәа Аԥсны аҭыԥ рымазаауеит", — иҳәеит Ҳаџьымба.

Арԥхагатә комплекс инвесторцәаны иҟоуп ҩыџьа ҭырқәтәыла атәылауаа. Иара ҳаамҭазтәи голландиатәи атехнологиа иақәшәо иргылоуп. 70-ҩык аусуҩцәа ыҟоуп. Аусура аиҳарак автоматизациа азууп.

Ажәабжьқәа зегьы
0