АҞӘА, мшаԥымза 15— Sputnik. Урыстәылатәи Афедерациа Аминистрцәа Реилазаара иаднакылеит Аԥсни Урыстәылеи рҳәынҭқаррабжьаратә еиқәшаҳаҭра (лаҵарамза 28 2012ш.) аԥсахрақәа алагалара азҵаарз ақәҵара апроект. Абри атәы аҳәоит аиҳабыра рпресс-маҵзура.
"Аԥсни Урыстәылеи рҳәынҭқаррабжьаратә ахәаахәҭра арежим азы аиқәшаҳаҭра (лаҵарамза 28 2012ш.) ишьақәнарӷәӷәоит алахәылацәа рхыдҵақәа, аҳазалхратә процедурақәа рырмариара", аҳәоит адырраҭараҟны.
Апроект иазыԥхьагәанаҭоит ззын алгаратә ҳазатә баџь рымшәо атауарқәа реиқәыԥхьаӡахь иаҵаркхарц анефҭтә битум. Иара убасгьы аԥкаанҵатә проект ала аиқәшаҳаҭра иалагалахоит аԥсахрақәа, атауар ахьынтәаагоу атәыла аилкаара аԥҟарақәа рышьақәырӷәӷәаразы.
