АҞӘА, мшаԥымза 19 — Sputnik. Германиа 68%, Франциа 67%, Британиа ду 46% иазырыԥхьаӡоит АИХ (СМИ) амигрантцәа рыцәгьоурақәа рҵәахуеит, иобиективны иҟам ҳәа. Абарҭ рҩызцәа аҭакқәа роуит азҵаараҭара мҩаԥызгаз аҭҵааратә еилакқәа Populus, Ifop. Азҵаарақәа мҩаԥган аинформациатә маҵзура Sputnik азы.
Азҵаарақәа ирылахәыз афранцыз респондентцәа рҟынтәи 17% иазырыԥхьаӡоит амигрантцәа иҟраҵо ацәгьоурақәа зегьы рганахьала ҽмырба руеит ҳәа АИХ (СМИ). Анемец респондентцәа рахьынтә 25% АИХ (СМИ) агәра ргоит, англыз респондентцәа рҟынтәи 36% иазырыԥхьаӡоит ироуа аинформациа аиаша иақәшәоит ҳәа.
Еицырдыруа британиатәи аҭҵааратә еилакы Populus, Британиа дуи Германиеи рыҟны 2016 шықәса жәабран 3-4 рзи азҵаарақәа мҩаԥнагон. Аҭҵаарақәа ирылахәын ареспондентцәа 3556-ҩык. Франциа азҵаарақәа мҩаԥнагон аҭҵааратә еилакы– Ifop. Аҭҵаарақәа ирылахәын 1499-ҩык ареспондентцәа. Изызҵаауаз еихыршон шықәсыла, ахаҵара/аԥҳәысра ала, агеографиатә ҭагылазаашьа ала.
Апроект "Sputnik. Агәаанагара" иазку адыррақәа. Ауаажәлар ргәаанагара аилкааразы жәларбжьаратәи апроект аусура иалагеит 2015 шықәса, ажьырныҳәамзазы. Апроект ацхырааҩс иқәгылеит британиатәи аҭҵааратә компаниа ICM Research. Апроект "Sputnik. Агәаанагара" аҳәаақәа ирҭагӡаны еиуеиԥшым аҵак ҷыда змоу асоциалтә, аполитикатә зҵаарақәа ирызкны лассы-лассы ауаажәлар ргәаанагара аилкааразы аҭҵаарақәа мҩаԥнагоит. Sputnik (sputniknews.com) – ажәабжьтәи арадиотәи амаҵзура атәылақәа жәпакы рҟны ахаҭарнакрақәа амоуп. Sputnik шьақәгылоуп асаитқәа, арадио, амобилтә хархәагақәа, асоциалтә каҭақәа рыла.
