АҞӘА, мшаԥымза 19 — Sputnik, Саид Барганџьиа. Аминистрцәа Реилазаара еицҿакрыла Тигран Делибалтиан АҶА (МЧС) аминистр ихаҭыԥуаҩыс деиҭалырхит аҩаша, мшаԥымза 19 рзы.
"Ҳара зегьы ибзианы иаадыруеит Тигран Делибалтиан аҭакԥхықәра змоу уаҩны, усуҩны дшыҟоу", — иҳәеит Аԥыза-министр Артур Амқәаб.
Делибалтиан диит 1972 шықәса рзы Аҟәа араион Бырцха ақыҭан. 1991 шықәса рзы Аҟәатәи ахәаахәҭра-кулинартә ҵараиурҭа далгоит.
Аҵара иҵон Еревантәи аполитехникатә институт аҟны, анџьныр-ргылаҩ изанааҭ ала.
2011 шықәса инаркны 2014 шықәсанӡа аус иуан Аԥсны аҭагылазаашьа ҷыдақәа Русбарҭа аиҳабы ихаҭыԥуаҩыс. 2014 шықәса рзы далхуп Аԥсны аҭагылазаашьа ҷыдақәа рминистр ихаҭыԥуаҩыс. Дҭаацәароуп. Ҩыџьа аԥҳацәа драбуп.
