АҞӘА, лаҵарамза 5 — Sputnik. Аџьынџьтәылатә еибашьра дуӡӡаҟны Аиааира амш аламҭалаз аинформациатә маҵзуреи арадиои Sputnik Аԥсны ихацнаркуеит апроект ҿыц "Аиааира аҭоурыхқәа". Иара иахықәкны иҟоуп аибашьцәа-аветеранцәа ргәалашәара амырӡра. Апроект алахәылацәа — Аџьынџьтәылатә еибашьра дуӡӡа аветеранцәа рмоҭацәеи рхәыҷқәеи иаҳзеиҭарҳәоит рабдуцәа рҭоурыхқәа, рфырхаҵарақәа рыӡбахәқәа. Аҭоурыхқәа ирыцлоит аҭаацәаратә архивқәа рҟынтәи афотоқәа, адокументқәа.
Апроект аҳәаақәа ирҭагӡаны иара убасгьы имҩаԥгахоит акциа "Георгевтәи алента" ашара. Изҭаху зегьы ҳвалантиорцәа алентақәа рзыршараны иҟоуп лаҵарамза 6, 15:00 рзы Ацҳа ҟаԥшь аҟны.
Sputnik Аԥсны анапхгаҩы Инал Лазба: "Апроект "Аиааира аҭоурыхқәа" ҳаԥхьаҩцәа иднардыруеит ҳабдуцәа рфырхаҵареи ргәымшәареи аазырԥшуа аҭоурыхқәа. Ҳапроект ҿыц иунарбоит абиԥарақәа реидҳәалара. Аиҳабацәа рхаҵара аиҵбацәа рыгәқәа рҟны идырҿыхоит ацыхцыхра, адунеи аҟны аҭынчра аиқәырхара аҭахра".
Аџьынџьтәылатә еибашьра Дуӡӡа Аԥсны аҵакырадгьыл аҟынӡа ишзымааизгьы аибашьраан Аԥснынтәи 55 нызқьҩык атәыла ауааԥсыра еибашьраҳәа ицеит. Урҭ рҟынтәи 17 нызқьҩык рышьҭахьҟа имхынҳәит. 22-ҩык Асовет Еидгыла Афырхаҵа ҳәа ахьӡ ду иаԥсахеит. Sputnik (sputniknews.com) – жәабала атәылақәа рыҟны иҟоу ажәабжьтә маҵзура, амультимедиитә информациатә хабқәа зманы иҟоу арадио. Sputnik ахь иаҵанакуеит 30 рҟынӡа асаитқәа, аналогтәи ацифратәи радиодырраҭарақәа, амобилтә цҵақәеи асоциалтә ҳақәа рыҟны адаҟьақәа. Ажәабжьқәа уахи-ҽни иҭыҵуеит англыз, араб, аиспан, акитаи бызшәақәа рыла.
