АҞӘА, лаҵарамза 13– Sputnik. Аԥсны Амилаҭтә банки Урыстәыла ашәаратә картақәа рмилаҭтә системеи аиҿцәажәарақәа мҩаԥыргоит аԥсуа шәаратә карта "Аԥра" Урыстәыла иахьаҵанакуагьы аус ауа иҟаларц азы.
Абри атәы иҳәеит Аԥсны Амилаҭтә банк адиректор Беслан Бараҭелиа.
"Ҳара иаҳҭахуп ҳкарта Урыстәылаәи Афедерациа иахьаҵанакуагьы аус ауа иҟаларц. Абри аганахьала аусурақәа мҩаԥысуеит. Ҳусзуҩцәа уи азҵаара аӡбаразы Москваҟа ицараны иҟоуп" — иҳәеит Бараҭелиа.
Урыстәыла ашәаратә картақәа рмилаҭтә система аԥҵан 2014 шықәса рзы, Урыстәылатәи абанкқәа США иҟанаҵаз асанкциақәа ирыхҟьаны Visa MasterCard ауадаҩрақәа ианрықәшәа ашьҭахь.
