Арҿиаратә хәылԥазы “Россия-Абхазия: дни и столетия” Москва имҩаԥысит

Гости вечера «Россия-Абхазия: дни и столетия»
Гости вечера «Россия-Абхазия: дни и столетия» - Sputnik Аҧсны
Анапаҵаҩра
НовостиTelegram
Арҿиаратә хәылԥазы “Россия-Абхазия: дни и столетия” мҩаԥысит Москва, Москватәи Акино Аҩнаҟны. Абри атәы ҳзаалыцҳаит Алана Сабеева.

Алана Сабеева, Sputnik

Акино Аҩны азал Шкәакәаҟны имҩаԥысуаз ахәылԥаз ааиртит Урыстәылатәи Афедерациаҟны иҟоу Аԥсны Ацҳаражәҳәаҩ Игор Ахба. Иара еизаз ирзеиҭеиҳәеит аҩ-милаҭк реиҩызареи реизыҟазаашьеи аҭоурых ҵаула шамоу. Даԥхьеит Аԥсны Ахада Инашьҭымҭа.

"Аԥсни Урыстәылеи еилыркылоит ирзеиԥшу акультуратә ҵакыра, аигәылара. Ҳара аблаҷыц еиԥш иҳахьчалароуп ҳажәлар рыбжьара иҟоу аимадарақәа", ҳәа аҳәоит Анашьҭымҭаҟны.

Игор Ахба аорден "Ахьӡ-Аԥша" III аҩаӡара лнапаҿы илиркит Нина Дубинскаиа, адокументалист Ольга Дубинскаиа лыԥҳа, адипломат иазгәеиҭеит Аԥсны Ольга Дубинскаиа лыҳаҭыр акыр ишдуу.

Урыстәыла Адәныҟатәи аусқәа рминистрра ИАР атәылақәа аԥшьбатәи рдепартамент адиректор Алексеи Павловски ишазгәеиҭаз ала аурыс-аԥсуа еизыҟазаашьақәа аҭоурыхтәи адоуҳатәи ҵаҵӷәы рымоуп.

"Уажәы аурыс-аԥсуа еизыҟазаашьақәа аҳәынҭқаррабжьаратә ҵакы рыманы иҿиоит. Аганрацәа рымоуп", — иҳәеит иара.

Ахәылԥаз мҩаԥыргон актриса Нина Антоновеи адраматург Дмитри Минченоки. Дмитри изныкымкәа Аԥсны даахьеит. Бзиа ибоит.

Арҿиаратә программа аанартит афестиваль "Гордость Москвы" аҟны аиааира згаз ахәыҷтәы ансамбль "Амцабз".

Ансамбль "Амцабз"
Ансамбль Амцабз  - Sputnik Аҧсны
Ансамбль "Амцабз"

Аколлектив инанагӡеит аԥсуа жәлари ашьхаруааи рыкәашарақәа. М.С. Шьчепкин ихьӡ зху Атеатртә ҵараиурҭа астудентцәа аԥхьон ажәеинраалақәа аԥсышәалеи урысшәалеи.

Асасцәа идырбан Аԥсны иҭыхыз акинофильмтә кадырқәа.

Урыстәыла Жәлар рартист Максим Дунаевскии Лиудмила Баталовеи инарыгӡеит Аԥсны иҭыхыз акинофильм "Веселые ребята" аҟынтәи ашәа.

"Сара изныкымкәа Аԥсны снеихьеит. Аԥшӡара сыхнахуеит", — иҳәеит Дунаевски.

Ахәылԥаз аконцерт иалахәын акинорежиссиор Алексеи Симонов, Аԥсны Жәлар рартистка, Урыстәыла зҽаԥсазтәыз артистка Алиса Гыцԥҳа, жәларбжьаратәи аконкурсқәа рлауреат Виктор Абрамиан, ашәҟәыҩҩы Денис Чачхалиа, артистка Евдокиа Германова. Урҭ зегьы ирҳәоз Аԥсны бзиа ишырбоз ауп.

Ажәабжьқәа зегьы
0