Азыҟаҵаҩ хада: Аԥсны афинал ахь инеироуп

© Sputnik Роберт ДжопуаАтренер хада Џьума Кәарацхьелиа ипресс-конференциа.
Атренер хада Џьума Кәарацхьелиа ипресс-конференциа. - Sputnik Аҧсны
Анапаҵаҩра
НовостиTelegram
Ашьапылампыл азы Аԥсны еизгоу акоманда аилазаара еилкаахоит лаҵарамза 25 рзы, иҳәеит апресс-конференциаҟны атренер хада Џьума Кәарацхьелиа.

АҞӘА, лаҵарамза 19 – Sputnik, Роберт Џьапуа. Ашьапылампыл азы Аԥсны еизгоу акоманда аилазаара еилкаахоит лаҵарамза 25 рзы, иҳәеит апресс-конференциаҟны атренер хада Џьума Кәарацхьелиа. Иара убасгьы иазгәеиҭеит FIFA иалам амилаҭтә командақәа рыбжьара Аԥсны имҩаԥысраны иҟоу ачемпионат аҟны Аԥсны афинал ахь инеироуп иҳәеит иара.

"Ҳара аҩны ҳахәмаруеит. Уи ҳара иаҳуалԥшьоуп", — иҳәеит иара.

Ашьапылампыл азы Аԥсны еизгоу акоманда аилазаара еилкаахоит лаҵарамза 25 рзы. Иахьазы асиа иануп 30-ҩык акандидатцәа.

"Амза 21 рзы еиҭа арахь иаараны иҟоуп Урыстәыла ихәмаруа ҳшьапылампыласыҩцәа. Асиа иашаҵәҟьа шьақәырӷәӷәахоит лаҵарамза 25 рзы. Иаанхоит 20-ҩык", — иҳәеит иара.

Абаҩрҵәыреи аспорти рзы Аҳәынҭқарратә еилакы ахантәаҩ ихаҭыԥуаҩ Рафаель Амԥар апресс-конференциаҟны иҳәеит аӡбаҩцәа рколлегиа еиҿкаахоит ConIFA алахәылацәа алархәны.

"Акызаҵәык угәы узырхьша, Аԥснытәи аӡбаҩ дыҟам. Иарбанызаалак азанааҭ аҟны аҟазауаа ыҟазароуп, акадырқәа ҳҭахуп. Аҿар еиҵааӡатәуп", — иҳәеит иара.

Абри инадҳәаланы Абаҩрҵәыреи аспорти рзы Аҳәынҭқарратә еилакы ахантәаҩ ихаҭыԥуаҩ Рафаель Амԥар иазгәеиҭеит аӡбаҩцәа Краснодартәи атәылаҿацәи, Ростовтәи аобласти, Нхыҵ Кавкази, Украинеи рҟынтәи ишааԥхьахо.

Ажәабжьқәа зегьы
0