АҞӘА, лаҵарамза 24 – Sputnik, Владимир Бегунов. Афильм апремиера мҩаԥысраны иҟоуп аҩашаҽны, лаҵарамза 31 рзы, Аурыс драматә театр аҟны ҳәа Sputnik иазааицҳаит астудиа адиректор Виачеслав Аблоҭиа.
"Адублиаж шықәсыбжак инарзынаԥшуа ҳаҿын. Уаанӡа адублиаж ззааухьаз афильмқәа: "Гладиатор", "Чернои кошки, белого кота", амультфильмқәа рҟны ихәмаруаз: Роман Сабуа, Сырбеи Сангәлиа, Иза Арухаа, Фрида Леиба – зегьы адсыԥхьалеит", иҳәеит Виачеслав Аблоҭиа.
Аблоҭиа иажәақәа рыла афильм арбара хәыда-ԥсадахоит. Апремиера ашьҭахь аԥсуа телехәаԥшрала идырбахоит.
Афильм "Операция "Святой Януарий" 1966 шықәса рзы италиатәи арежиссиор Дино Ризи иҭихит.
Астудия "Аԥсныфильм" Аԥсуа бызшәа аҿиара Афонд аҿаҵала аҳәаанырцәтәи афильмқәеи амультфильмқәеи аԥсышәала адублиаж рызнауеит. Афильмқәа рыбжьы рхарҵоит Аԥсуа ҳәынҭқарратә театр актиорцәа.
