АҞӘА, лаҵарамза 31 – Sputnik. Ареспубликатә уаажәларратә еиҿкаара "Аԥсадгьыл" анапхгаҩы Беслан Ешба атәыла Ахада идигалеит Аԥсни Урыстәылатәи Афедерациеи рыбжьара ҩынтәтәи ашәахтәшәара алызмыршо Аиқәшаҳаҭра апроект.
"Иарбоу Аиқәшаҳаҭра хықәкны иамоуп еиқәшаҳаҭхо аҳәынҭқаррақәа риурист хаҿқәеи ахатәхаҿқәеи мазарак ма хашәалак ҩынтәтәи ахәшәара рықәымшәарц", — иҳәеит Ешба.
Аиҿкаара анапхгаҩы иазгәеиҭеит Аиқәшаҳаҭра ашәахтә дискринимациа шалнамыршо, аинвестициақәа рыдыԥхьалара ишацхраауа иара убасгьы ахәаахәҭреи акультуратәи анаука-техникатәи усурақәа рырҿиара ишадгыло.
Беслан Ешба иара убасгьы иазгәеиҭеит аиқәшаҳаҭра ишазыԥхьагәанаҭо аҳәынҭқаррақәа ршәахтәшәаратә усбарҭақәа рыбжьара аинформациа аимдара.
