Аԥснытәи акоманда афинал ахь инеиит

© Sputnik / Томас ТхайцукАԥснытәи акоманда афинал ахь инеиит.
Аԥснытәи акоманда афинал ахь инеиит. - Sputnik Аҧсны
Анапаҵаҩра
НовостиTelegram
Аԥсны еизго акоманда афиналбжатә хәмарраан 2:0 ҳәа аиааира ргеит.

АҞӘА, рашәарамза 4 – Sputnik, Роберт Џьопуа. Аԥсны еизго акоманда Аҩадатәи Кипр акоманда ианацыхәмаруаз афиналбжатә хәмарраан 2:0 ҳәа аиааира ргеит. Аматч алагара хацыркын агәырӷьабжьқәа астадион иахыҩуаз ала. Аԥсны агимн аҳәараан асектор хада "А" аҟны итәаз ахәаԥшыҩцәа ишьҭырхит аиаҵәа, аҟаԥшь, ашкәакәа бӷьыцқәа. Урҭ Аԥсны абираҟ иасимволны ицәырган.

Актәи атаим акәзар ахәаԥшыҩцәа ргәырӷьара еизнарҳаит. Аҩадатәи Кипр акоманда иалымшеит аԥшәмацәа ржәыларақәа раанкылара. Аабатәи аминуҭ азы Леван Логәуа илшеит ампыл амба аҭаршәра.

Акиприотцәа ракәзаргьы ахәмарра ԥшӡа, ахәмарра ҳаракы аадырԥшуан. Урҭ еишьҭалаҭеишьҭало ажәыларақәа мҩаԥыргон, аха аԥшәмацәа ирылдыршон раанкылара.

Аԥсшьарахь акомандақәа неиит аԥыжәара маҷ Аԥснытәи акоманда иаманы.

3:2 ҳәа Сомалилендаа Чагостәи ахәмарыҩцәа ираԥыргеит. - Sputnik Аҧсны
3:2 ҳәа Сомалилендаа Чагостәи ахәмарыҩцәа ираԥыргеит

Аиԥылара аҩбатәи ахәҭаан ахәаԥшыҩцәа ирбарҭахеит акомандақәа рыҩбагьы Ачемпионат афинал ахь анеира ишаԥсаз. Ашьапылампыл бзиа избо ари аҩыза ахәмарра агәаҳәара рнамҭар алшом.

Ус шакәугьы еиӷьу аӡәы дыҟазароуп. 69-тәи аминуҭ аан Аԥсны иамаз аԥыжәара еиҳанатәит. Руслан Шьониа иҭеиршәит аҽа мпылк. 2:0 ҳәа анылеит атабло. Аԥсуа хәаԥшыҩцәа ргәырӷьабжь астадион иахыҩуан.

Афиналбжа иамаз аамҭа иалнаршон Кипраа рхаарԥшра, аха Аԥснытәи акоманда риааира аӡәы ирҭап ҳәа ргәы иҭамызт. Ахәмарра нҵәеит 2:0 ҳәа.

Аԥснытәи акоманда раԥхьатәи ахәмарра мҩаԥнагеит лаҵарамза 29 рзы, 9:0 ҳәа Чагос акоманда иаиааиит. Лаҵарамза 31 рзы Мраҭашәаратәи Ермантәыла акоманда иацыхәмаруан. Араҟагьы Аԥснытәи акоманда аиааира аман.

Афинал аҟны Аԥсны акомандеи Пенджаб акомандеи еицыхәмарраны иҟоуп. Афинал мҩаԥысуеит рашәарамза 5 рзы, астадион “Динамо” аҟны, 19:00 (мск)рзы.

Аԥснытәи акоманда афинал ахь инеиит иарбанызаалак мпылк рыцәҭамшәакәа.

Ажәабжьқәа зегьы
0