Sputnik Аԥсны ихацнаркит апроект ҿыц "Ҳцәажәоит аԥсышәала"

© Sputnik / Томас ТхайцукАпроект ҿыц "Ҳцәажәоит аԥсышәала".
Апроект ҿыц Ҳцәажәоит аԥсышәала. - Sputnik Аҧсны
Анапаҵаҩра
НовостиTelegram
"Sputnik Аԥсны ихацнаркит апроект ҿыц "Ҳцәажәоит аԥсышәала". Уи иалнаршоит иманшәалоу аформат ала аԥсуа бызшәа урҳара", - иҳәеит Sputnik Аԥсны анапхгаҩы Инал Лазба.

АҞӘА, рашәарамза 8 — Sputnik апресс-маҵзура. Аинформациатә маҵзуреи арадио Sputnik Аԥсны ихацнаркит асоциалтә ҳақәа рҟны апроект ҿыц "Ҳцәажәоит аԥсышәала" захьӡу. Уи ацхыраарала изҭаху дарбанызаалак илшоит аԥсуа бызшәа аҵара. Апроект аҳәаақәа ирҭагӡаны еиҳа ахархәара змоу ацәажәарақәа рвидеороликқәа Instagram, VК, Facebook рҟны мчыбжьык ахь хынтә идырбалахоит. Урҭ абжьы рхарҵоит ауаажәларратә усзуҩцәа, актиорцәа, амузыкантцәа, Аҟәа ақалақьуаа.

Sputnik Аԥсны анапхгаҩы Инал Лазба: "Аԥсшәа адунеи аҟны реиҳа иуадаҩу абызшәақәа ирхыԥхьаӡалоуп, аха иара ҳарала ибзианы иудукылоит. Апроект ҿыц иалнаршоит имариоу авидеоформат ала абызшәа урҳара".

Sputnik (sputniknews.com) — жәларбжьаратәи аинформациатә маҵзуреи арадиои атәылақәа жәпакы рҟны амультимедиатәи аинформациатәи хабқәа амоуп. Sputnik ашҟа иаҵанакуеит асаитқәа, арадиодырраҭарақәа, амобилтә хархәагақәа, иара убас, асоциалтә каҭақәа рҟны адаҟьақәа. Анапаҵаҩцәа рзы Sputnik, англыз, араб, аиспан, акитаи бызшәақәа рыла иҭыҵуеит.

Sputnik асаитқәа аԥхьаҩ идыргалоит: авидео, аинфографика, афоторепортаж, онлаин-ефирқәа, аинтернет-бжьыҭира. Аоперативтә жәабыжьқәа рыдагьы Sputnik иакьыԥхьуеит аналитикатә материалқәа, аексклиузив интервиуқәа.

Ажәабжьқәа зегьы
0