АҞӘА, рашәарамза 20 – Sputnik. Гагреи Пицундеи, жәларбжьаратәи апроект "Салют талантов" аҳәаақәа ирҭагӡаны имҩаԥысраны иҟоуп ахәыҷқәеи ақәыԥшцәеи рҟазара аконкурс "Черноморские легенды". Абри атәы аанацҳаит афестиваль апресс-маҵзура.
Апресс-маҵзура ишаанацҳауа ала Урыстәыла ақалақьқәа жәба рҟынтәи: Екатеринбург, Липецк, Москва, Нефтекумск, Пенза, Ржев, Караваево, Петропавловск-Камчатск, Сибаи, Новомосковск рҟынтәи 200-ҩык рҟынӡа Аԥсныҟа иаараны иҟоуп.
"Афестиваль апрограмма иалалоит аклассикатә музыка, акробатикатә номерқәа, жәлар рыкәашарақәа, аестрадатә кәашарақәа", ҳәа азгәанаҭоит апресс-маҵзура.
Афестиваль аартхоит рашәарамза 20 11:20 рзы Пицунда. Уахь инеирц рылшоит агәазыҳәара змоу зегьы.
Икоммерциатәым аиҿкаара "Салют Талантов" 2008 шықәса раахыс ахәыҷқәеи ақәыԥшцәеи рзы афестивальқәа реиҿкаара мҩаԥнагоит. Абри аамҭала имҩаԥган 230 уснагӡатә. Урҭ ирылахәын 70 000-ҩык рҟынӡа ахьыбҿар. "Салют Талантов" имҩаԥнаго ауснагӡатәқәа аофициаллтә цхыраара арҭоит аҵареи акультуреи рдепартаментқәа.
