АҞӘА, рашәарамза 21 – Sputnik, Бадри Есиава. Ашьыжь инаркны амаланыҟәарныҟәаҩ Денис Саманба игәы рахәымкәа ибеит. Убри инамаданы аспортсмени икомандеи акардиолог иахь ицеит, иҳәеит амаланыҟәарныҟәаҩ иицу Арлен Лашәриа.
"Иахьа ашьыжь Денис игәы ихьуа далагеит, ҳаргьы иаразнак ахәышәтәырҭахь ҳцеит, акардиограммагьы ҟаҳҵеит. Агәаҭарақәа излаҳдарбаз ала узыцәшәо акгьы ыҟам, анаҩс ҳамҩа иацаҳҵеит", — иҳәеит Лашәриа.
Аспортсмен Аԥснынтәи иицу ражәақәа рыла, Ростовтәи аобласть иахысны Воронежтәи иазааигәахоит. Амҩа иахьынӡықәыз амаланыҟәа арҽеирақәа азун, урҭ ҟаҵатәуп 200 километр ианырхыслакь ашьҭахь.
Денис САманба 800 километр дырхысхьеит, уи дызхысраны иҟоу амҩа абжа ауп. Хадара злоу хықәкны Денис ималаныҟәатә мараыон аҿы иҟоу Аԥсны амаланыҟәатә спорт аларҵәара ауп.