Руслан Ԥандариа диит аҟазара пату ақәызҵоз аҭаацәараҟны. Руслан Ԥандариа иаб Владимир Ԥандариа иниаамҭаз араионтә газеҭ "Бзыԥ" аҟны акыр шықәса аус иуит фотокорреспондентс. Иара иҭыихуаз асахьақәа реиҳарак ажәлар рыбзазара аазырԥшуаз акәын. Убас Руслан дхәыҷаахыс аҟазара агьама икит. Иара иажәақәа рыла асахьаҭыхреи, аҿыханҵареи, ахаҳә аус адыулареи инапы анаиркы иҭаацәа рыҷкәын ибзиабара ициҩшаны авагылареиацхыррареи ирҭон.
"Сҭаацәа убысҟак авагылареи ацхыраареи сырҭеит исылымшозгьы сылсыршон. Раԥхьа сырзеилкаауамызт дара, аха сара абнатә амҿы, ахаҳә, анышәаԥшь аагара санаҟәымҵӡа рҿарҭеит. Саб имашьына ҭаргыларҭа аҟазарҭа ҭыԥ сзалыихит", — ҳәа игәалаиршәоит Руслан Ԥандариа.
Руслан Ԥандариа ажәбатәи акласс аҟны дыштәаз ашкол аҟнытә иҽӡаны абнахь дцон, уахьынтә аҩныҟа иааигон амҿы, анышәаԥшь. Усҟан иара аус адулашьа издыруамызт аҟнытә излаилшоз, игәы ишианаҳәоз ала аус ҟаиҵон.
Руслан Ԥандариа иаԥиҵеит аҭаацәара ԥшӡа, иара драбуп х-ҩык ахшаара, аҭаацәаратә уси аҟазареи заманала еидибалоит. Игәҭакқәа анагӡаразы алшареи, амчи, агәабзиареи изхап ҳәа игәы иаанагоит. Иаарласны иара напы аиркоит амҳаџьырреи аԥсуаа рышәарыцашьеи аазырԥшуа асахьақәа рҭыхра.
