Атәыла Ахада идгылаҩцәа еизеит

© Sputnik / Томас ТхайцукАтәыла Ахада идгылаҩцәа еизеит.
Атәыла Ахада идгылаҩцәа еизеит. - Sputnik Аҧсны
Анапаҵаҩра
Yandex newsTelegram
Атәыла Ахада Иусбарҭа аҿаԥхьа еизаз рхыԥхьаӡара зықьҩык инареиҳауп.

АҞӘА, ԥхынгәы 7 – Sputnik, Роберт Џьапуа. Атәыла Ахада идгылаҩцәа неиит Ахада Иусбарҭа ахыбрахь. Рауль Ҳаџьымба имҩаԥиго акурс ишадгыло зҳәарц зҭаху рхыԥхьаӡара зықьҩык инареиҳауп. 

Иқәгыло иазгәарҭоит аоппозициаа рмитинг азин шьаҭа шамамыз. Ааԥхьарагьы ҟарҵоит иара аиҿкааҩцәа аус иақәдыршәарц.

Аԥсны Аԥыза-министр Артур Амқәаб имҩаԥигеит абрифинг. - Sputnik Аҧсны
Ареферендум амҩаԥгаразы иахәҭоу зегь ҟаҵоуп

Амитинг мҩаԥызго рахь днеит атәыла Ахада Рауль Ҳаџьымба.

Уаанӡа, аҩашаҽны, ԥхынгәы хәба рзы Аҟәа ақалақь аҟны аоппозициа аганахьала еизаз дҵаны иқәдыргылон Аҩныҵҟатәи аусқәа рминистр Леонид Ӡаԥшьба имаҵура дамхзарци зыҿҳәара иахыԥахьоу апаспортқәа рыла абжьыҭира азин ҟарҵарци.

Убри инацҵаны дҵаны иқәдыргылон Урыстәыла аҵакырадгьыл аҿгьы ареферендум амҩаԥгаразы абжьыҭирҭа ҭыԥқәа аартхарц.

Атәыла Ахада идҵала Леонид Ӡаԥшьба аусҭҵаарақәа ирҿнаҵы инапынҵақәа рынагӡара аанкылоуп. Абри аамҭазы уи инапынҵақәа неигӡоит аминистр актәи ихаҭыԥуаҩ Борис Абитов.

Ажәабжьқәа зегьы
0