АҞӘА, ԥхынгәы 8 – Sputnik, Бадри Есиава. Аԥсны Аԥыза-министр актәи ихаҭыԥуаҩ Шамил Аӡынба аԥшьаша абрифинг мҩаԥигеит. Абрифинг аҟны Аӡынба иҳәеит ареферендум амҽыша, ԥхынгәы 10 рзы имҩаԥысуеит, изҭахугьы днеины ибжьы иҭиир илшоит ҳәа.
"Зыбжьы зҭиир зҭаху ибжьы иҭиуеит. Ҳара иаҳусу уи ҭынч иус неигӡартә еиԥш аҭагылазаашьа иҭароуп. Ареферендум алҵшәақәа ашәахьаҽны иаабоит", — иҳәеит иара.
Шамил Аӡынба иазгәеиҭеит аоппозициа шиашам ареферендум арыцхә ииагатәуп ҳәа анырҳәо ҳәа.
"Аоппозициа рхаҭақәа ирҭахын ареферендум амҩаԥгара. Уажәы урҭ уи арыцхә ииагатәуп ҳәа иқәгылеит", — иҳәеит иара.
Аԥыза-министр актәи ихаҭыԥуаҩ иазгәеиҭеит иара убас ауааԥсыра ара имҩаԥысуа аполитикатә процессқәа ирышьцыло ишалагаз.
Аӡынба иҳәеит аҳәынҭқарра Аконституциеи азакәани урықәныҟәаны шакәу ишыргылатәу.
Уаанӡа, аҩашаҽны, ԥхынгәы хәба рзы Аҟәа ақалақь аҟны аоппозициа аганахьала еизаз дҵаны иқәдыргылон Аҩныҵҟатәи аусқәа рминистр Леонид Ӡаԥшьба имаҵура дамхзарци зыҿҳәара иахыԥахьоу апаспортқәа рыла абжьыҭира азин ҟарҵарци.
Убри инацҵаны дҵаны иқәдыргылон Урыстәыла аҵакырадгьыл аҿгьы ареферендум амҩаԥгаразы абжьыҭирҭа ҭыԥқәа аартхарц.
Атәыла Ахада идҵала Леонид Ӡаԥшьба аусҭҵаарақәа ирҿнаҵы инапынҵақәа рынагӡара аанкылоуп. Абри аамҭазы уи инапынҵақәа неигӡоит аминистр актәи ихаҭыԥуаҩ Борис Абитов.
