Алиса Гыцԥҳа Монакотәи афестиваль далахәхоит

© Фото : страница Алисы Гицба в FacebookАԥсны Жәлар рартистка, Урыстәыла зҽаԥсазтәыз артистка, аорден Ахьӡ-аԥша занашьоу, атеатр "Геликон-опера" асолистка Алиса Гыцԥҳа.
Аԥсны Жәлар рартистка, Урыстәыла зҽаԥсазтәыз артистка, аорден Ахьӡ-аԥша занашьоу, атеатр Геликон-опера асолистка Алиса Гыцԥҳа. - Sputnik Аҧсны
Анапаҵаҩра
НовостиTelegram
III есышықәсатәи аурыс ҟазара Афестиваль мҩаԥысраны иҟоуп нанҳәа 12- 13 рзы.

АҞӘА, ԥхынгәы 21 – Sputnik, Анжелика Бениаԥҳа. III Есышықәсатәи аурыс ҟазара Афестиваль мҩаԥысраны иҟоуп нанҳәа 12- 13 рзы. Раԥхьаӡа акәны Афестиваль далахәхоит Аԥсны Жәлар рартистка, Урыстәыла зҽаԥсазтәыз артистка, аорден Ахьӡ-аԥша аҩбатәи аҩаӡара занашьоу, атеатр "Геликон-опера" асолистка Алиса Гыцԥҳа. Абри атәы аанацҳауеит Москва иҟоу аԥсуа диаспора рсаит.

Афестиваль амшқәа рзы Алиса Гыцԥҳа иналыгӡараны дыҟоуп италиатәи акомпозиторцәа роператә ариақәа, аурыс романсқәа. Лықәгылара лыцналыгӡоит франциатәи апианиноарҳәаҩы Амеде Бригген. Алиса дықәгылараны дыҟоуп апринцесса Греис Келли лзал аҟны.

"Инасыгӡо ашәақәа иреиуоуп Джакомо Пуччини иопера "Джанни Скики" аҟынтәи Лаура лариа. Ари ариа апринцесса Греис лчараҟны иналыгӡон Мариа Каллас", – лҳәоит Гыцԥҳа.

Сынтәа афестиваль иатеманы ишьоуп: "Ретроспектива великих режиссеров". Афестиваль хықәкны иамоуп аҭыԥантәи ауааԥсыра Урыстәыла акультуратә ԥсҭазаара дырдырра.

Раԥхьатәи афестиваль мҩаԥысит 2014 шықәса рзы Монте-Карло, Романоваа Рыҩны 400-шықәса ахыҵра иазкын. Сынтәа — Вера Глаголева 60-шықәса лхыҵра иазкуп. Иддырбараны иҟоуп акино иазку лусумҭақәеи, арольқәа ахьыналыгӡоз акинофильмқәеи.

Ажәабжьқәа зегьы
0