Европатәи ачемпионат аҿы Амина Аншԥҳа аиааира лгеит

© Фото : предоставлено Эммой КортаваЕвропатәи ачемпионат аҿы Амина Аншԥҳа аиааира лгеит
Европатәи ачемпионат аҿы Амина Аншԥҳа аиааира лгеит - Sputnik Аҧсны
Анапаҵаҩра
НовостиTelegram
Аԥснытәи аԥкьаҭасыҩ 18 шықәса рҟынӡа зхыҵуа аспортсменцәа Европатәи рчемпионат, Клостерс (Швеицариа) имҩаԥысуаз аҟны аиааира лгеит.

АҞӘА, ԥхынгәы 25— Sputnik, Анжелика Бениаԥҳа. Европа ачемпионат аҟны лиааира Амина лзы акрызҵазкуа шьаҿоуп лҳәеит аспортсменка лан Емма Кәартааԥҳа.

Атурнир афинал аҟны Амина Аншԥҳа 18 шықәса зхыҵуа рыбжьара иреиӷьу ҳәа иԥхьаӡоу Олесиа Первушина длаԥысит: 6:4, 2:6, 6:2 ҳәа.

Олесиа Первушинеи Аминеи раԥхьаӡа акәны еицыхәмарит ԥхынгәымза 2016 шықәса рзы, Италиа. Афиналбжаҟны Амина даҵахоит.

"Уажәы лара диааиит. Амина ушьҭа илдыруан Олесиа лыхәмаршьа, лтактика. Лара лхаҭа лакәзар стильк алхны илымам. Дызцыхәмаруа лыҽлықәлыршәоит", — лҳәоит Емма Кәартааԥҳа.

Лара иазгәалҭеит аспортсменка ланра шыуадаҩу.

"Ухы-уԥсы зегьы абри аус иазукроуп. Ухәыҷы уидгылароуп. Лара зынӡаск аамҭа лыман дыҟам. Даара дааԥсоит. Еснагь слывагылазароуп", — лҳәоит ан.

© Фото : предоставлено Эммой КортаваАмина Аншба на турнире Чемпионата Европы по теннису до 18 лет.
Амина Аншба на турнире Чемпионата Европы по теннису до 18 лет. - Sputnik Аҧсны
Амина Аншба на турнире Чемпионата Европы по теннису до 18 лет.

Иара убасгьы иазгәалҭоит акыр ауадаҩрақәа шылԥылоугьы Амина аспорт ааныжьра лгәы ишҭам.

"Знызаҵәыкгьы дымгәамҵыцт. Аиҳаракгьы лаб абри аспортхкы лнапы алакызарц ахьиҭахыз азы", — лҳәоит Емма.

Амина Аншԥҳа 2013 шықәсазы Европа актәии аҩбатәии аԥкьаҭ ҳәа дыԥхьаӡан. Сынтәагьы лара ҳларгәырӷьоит лықәҿиарақәа рыла. Ааигәа Ташкент имҩаԥысуаз аицлабраҿы аиааира лгеит, иара убас Словакиа имҩаԥысуаз 18 шықәса зхымҵыц ркатегориаҿы даиааиит. 2016 шықәса рзы Испаниеи Италиеи имҩаԥысуаз атурнир далахәын, Бельгиатәи атурнир ITF 52nd Astrid Bowl Charleroi, Belgian International Junior Championships аҟны аԥхьахәқәа лгоит. Амина лҽазыҟаҵарақәа мҩаԥылгоит аспорттә школ "Спартак" азыҟаҵаҩ Евгениа Куликовскаиа лҿы.

Ажәабжьқәа зегьы
0