АҞӘА, ԥхынгәы 27 – Sputnik. Аԥсны Аԥыза-министр Артур Амқәаб арзаҳал иҩит инапынҵақәа шышьҭеиҵо азы. Абри атәы аанацҳаит Аминистрцәа Реилазаара аофициалтә саит.
Артур Амқәаб Аԥсны Аԥыза-министрс дҟаҵан хәажәкыра 20 2015 шықәса рзы.
Артур Артиом-иԥа Амқәаб диит лаҵарамза 2 1949 шықәса рзы, Аҟәа. 1978 шықәса рзы далгоит Зегьеидгылотәи афатә ааглыхратә институт. 1986 шықәса рзы далгеит Иреиҳаӡоу апартиатә школ.
1992 шықәса инаркны 2004 шықәсанӡа дынхон Москва. 2009 шықәса рзы Аԥсны Жәлар Реизара адепутатс далхын.
Дҭаацәароуп. Ҩыџьа ахшара драбуп.
