АҞӘА, ԥхынгәы 28 — Sputnik, Владимир Бегунов. Аԥшьаша ашьыжь, асааҭ 8.27, 9.05 рзы Аԥсны иҟалеит адгьылҵысрақәа ҩба. Руак — 3,9 балл иҟан, аҩбатәи – 3,5 балл иҟан Рихтер ишкалала, ҳәа аалыцҳауеит Шәачатәи асеисмостанциа аиҳабы Елена Карпович.
Асеисмолог лажәақәа рыла актәи адгьылҵысра аепицентр Ҭырқәтәыла, Ермантәыла, Қырҭтәыла рҳәааҟны иҟан, аҩбатәи – Шәача инацәхыкны 30 километра ахьыбжьаз.
Адгьылҵысра еиҭаҟалоит ҳәа асеисмологцәа иазгәарҭом. Адунеи аҟны адгьылҵысра азыԥхьагәазҭо атехнологиақәа макьаназы иҟам.
