АҞӘА, нанҳәамза 1 – Sputnik, Бадри Есиава. Аԥсны Аминистрцәа Реилазаара аилатәара мҩаԥысит ахәаша, ԥхынгәы 29 рзы.
Аилатәараҟны 20 киловатт инеиҳаны инызхуа ауааԥсыра рзы афымцамч ахәԥса 40 инаркны 85 копеи рҟынӡа иацлоит, егьырҭ ауааԥсыра рзы ишыҟоу иаанхоит.
"Аенергетикатә комиссиа аԥшьгара хацыркуп ареспубликаҟны афымцамч ахархәара акырӡа иахьеизҳаз. Ҵыԥх иара 11 процент рҟынӡа иацлеит, сынтәа еиҳагьы еиҳахоит", — иҳәеит аекономика аминистр Адгәыр Арӡынба.
"Гагреи Гәдоуҭеи араионқәа рҟны аобиект ҿыцқәа афымцамч иузаҵамкуа аҭагылазаашьа ыҟоуп. Афымцамч хыда аныхра ҳәаазыркуа аусқәа мҩаԥгатәуп", — иҳәеит Арӡынба.
Аенергетикатә комиссиа ахәаԥшуеит Аԥсны атәылауаа афымцамч азы ирықәу ауал рхыхра азҵаара.
