АҞӘА, цәыббра 9 – Sputnik, Роберт Џьопуа. Урыстәылатәи Афедерациа Аҳәынҭқарратә Думахь алхрақәа мҩаԥысраны иҟоуп цәыббра 18 рзы. Аԥсны иахьаҵанакуа аус рулоит алхратә ҭыԥқәа 9. Ахәаша, цәыббра 9 рзы "Алхыҩцәа рклуб" алахәылацәа реиԥылараан Аԥсны иҟоу Урыстәылатәи Афедерациа Ацҳаражәҳәаҩ Семион Григориев ааԥхьара ҟаиҵеит алхрақәа активла рхы рыладырхәырц Аԥсны инхо Урыстәыла атәылауаа.
"Сгәы иаанагоит Аԥсны ауааԥсыра рҩыза, рстратегиатә партниор, ргәыла – Урыстәылатәи Афедерациа Аҳәынҭқарратә Думахь алхрақәа рхы ахьрыладырхәуа аҵак дуӡӡа амоуп ҳәа", — иҳәеит Григориев.
Урыстәылатәи Афедерациа Аҳәынҭқарратә Думахь алхрақәа мҩаԥысраны иҟоуп цәыббра 18 рзы. Аԥсны иахьаҵанакуа аус рулоит алхратә ҭыԥқәа 9.
Аԥсны инхоит 90 000-ҩык рҟынӡа урыстәыла атәылауаҩра змоу. Урҭ ирымоуп азин абжьыҭиразы.
