Sputnik Кыргызстан даҭааит Сергеи Лавров

© Sputnik / Табылды КадырбековSputnik Кыргызстан даҭааит Сергеи Лавров
Sputnik Кыргызстан даҭааит Сергеи Лавров - Sputnik Аҧсны
Анапаҵаҩра
НовостиTelegram
Ҳаамҭазтәи атехнологиатә центр Sputnik официалла иаатит Бешкек ақалақь аҟны.

АҞӘА, цәыббра 19 — Sputnik. Аредакциатә центр ҿыц Sputnik Кыргызстан даҭааит Урыстәылатәи Афедерациа Адәныҟатәи аусқәа рминистр Сергеи Лавров. Ҳаамҭазтәи атехнологиатә центр Sputnik официалла иаатит Бешкек ақалақь аҟны ахәашаҽны.

Sputnik Кыргызстан анапхгаҩы Елена Череменина еиҭалҳәеит аредакциа амультимедиатә лшарақәа ртәы. Иарахьы иаҵанакуеит аинтернет-портал, арадиостудиеи азехнологиа ҳараку апресс-центр. Урыстәылатәи Афедерациа Адәныҟатәи аусқәа рминистр Сергеи Лавров иазгәеиҭеит Sputnik ахьӡ-аԥша еиҳа-еиҳа ишеизҳауа.

"Сара ара зегьы сгәаԥхоит. Зегьы иахьатәи аамҭа иақәшәо иҟоуп. Агәра згоит араҟа аусура гәеизҳароуп ҳәа", — иҳәеит Лавров.

Аинформациатә портал Sputnik Кыргызстан аусура иалагеит акыргыз бызшәеи аурыс бызшәеи рыла 2014 шықәсазы. Ара аус зуа рыпрофессионалтә ҩаӡара ҳаракуп. Убас, 2016 шықәса рзы Sputnik Кыргызстан афотокорреспондент Табылды Кадырбеков афотоконкурс Adme Photo Awards 2016 апризиорс дҟалеит.

Амультимедиатә пресс-центр Sputnik Кыргызстан (Бишкек, Эркиндик амҩ., 46) — ҳаамҭазтәи медиатә плошьчадкоуп. Еиуеиԥшым аформат змоу аусмҩаԥгатәқәа рымҩаԥгара алшоны иҟоуп.

Sputnik (sputniknews.com) — жәларбжьаратәи аинформациатә маҵзуреи арадиои атәылақәа жәпакы рҟны амультимедиатәи аинформациатәи хабқәа амоуп. Sputnik ашҟа иаҵанакуеит асаитқәа, арадиодырраҭарақәа, амобилтә хархәагақәа, иара убас, асоциалтә каҭақәа рҟны адаҟьақәа. Анапаҵаҩцәа рзы Sputnik, англыз, араб, аиспан, акитаи бызшәақәа рыла иҭыҵуеит.

Sputnik асаитқәа аԥхьаҩ идыргалоит: авидео, аинфографика, афоторепортаж, онлаин-ефирқәа, аинтернет-бжьыҭира. Аоперативтә жәабыжьқәа рыдагьы Sputnik иакьыԥхьуеит аналитикатә материалқәа, аексклиузив интервиуқәа.

Ажәабжьқәа зегьы
0