Автомашьынақәа рколонна аныҟәара "Аԥсҭазаара амҩа" хацыркхеит

© Sputnik / Томас ТхайцукАвтомашьынақәа рколонна аныҟәара "Аԥсҭазаара амҩа"
Автомашьынақәа рколонна аныҟәара Аԥсҭазаара амҩа - Sputnik Аҧсны
Анапаҵаҩра
НовостиTelegram
Ахақәиҭра Ашҭа аҟынтәи “Аҧсҭазаара амҩа” ҳәа хыс измоу автомашьынақәа рколонна аныҟәара иадҳәалоу аусмҩаҧгатә мҩаԥгахоит цәыббра 29-30 рзы. Уи иалагӡаны ақыҭақәа: Аӡҩыбжьа, Аҭара, Тамшь, Кәтол, Џьгьарда иалсуеит.

АҞӘА, цәыббра 29 – Sputnik, Бадраҟ Аҩӡба. Ахақәиҭра Ашҭа аҟынтәи “Аҧсҭазаара амҩа” ҳәа хыс измоу автомашьынақәа рколонна аныҟәара иадҳәалоу аусмҩаҧгатә хацыркхеит. Ашҭахь аветеранцәа неиит армаҭәа рышәҵаны, ргәышԥқәа амедалқәеи аорденқәеи аркны. Амаршрут иара убасгьы иалахәуп аҿар. “Аҧсҭазаара амҩа” алахәылацәа Аӡҩыбжьа, Аҭара, Тамшь, Кәтол, Џьгьарда иалсуеит. Аҩбатәи амш азы урҭ шьҭахьҟа, Аҟәаҟа рхы дырхоит.

"Ауснагӡатә аиҿкааҩцәа ҭабуп ҳәа раҳҳәоит. Ҳазнысуа амҩа астратегиатә ҟазшьа амоуп. Ауаажәларраҟны еиҭах иргәаладыршәоит урҭ амшқәа, уи амҩа. Аколлонна знысуа амҩа ииашахаҭаны аԥсҭазаара иамҩоуп", — иҳәоит аибашьра аветеран Рисмаг Аџьынџьал.

Автомашьынақәа рколонна алахәылацәеи, Сергеи Багаҧшь анышә дахьамадоу аҭыԥаҿы ашәҭ шьыҵәрақәа рышьҭаҵара ацеремониа мҩаҧыргоит. Иара убасгьы уи аҩыза ацеремониа мҩаԥгахоит Ахақәиҭра Ашҭаҿи Владислав Арӡынба анышә дахьамадоу аҳаҭгәын аҿи.

Ҩымш рыла аколлонна 200 километра иахысуеит, 50 рҟынӡа автомашьына алахәуп. Аиҿкааҩцәа ргәаанагарала акциа еиҳарак иззырхоу аҿар аибашьра аамҭеи аҭоурыхи радыԥхьалароуп.

Ажәабжьқәа зегьы
0