АҞӘА, цәыббра 29 — Sputnik, Владимир Бегунов. Аԥсны Аԥыза-министр Беслан Барцыци Науру апарламент аиҳабы Сирил Бурамани рнапы аҵарҩит Аԥсни Науруи реиҳабырабжьаратә еиқәшаҳаҭра цәыббра 29 рзы. Абри атәы ааицҳауеит Sputnik акорреспондент аҭыԥ аҟынтәи.
Науру аофициалтә делегациа Аԥсны Аҳәынҭқарра анапхгара ирԥылеит. Аҩ-тәылак рыбжьара адипломатиатә еизыҟазаашьақәа шьақәыргылан 2009 шықәса рзы.
"Ҳара ирҽеиу аиқәшаҳаҭра ҿыц ҳнапы аҵааҩит Аиааиреи Ахьыԥшымреи рымшныҳәа аламҭалазы", — иҳәеит Аԥсны Аԥыза-министр.
Сирил Бураман аҳәамҭа ҟаиҵеит агәахәара шинаҭо абарҭ амшқәа рзы аԥсуа жәлар рыгәҭа аҟазаара, иагьазгәеиҭеит Науру шазыхиоу Аԥсны жәларбжьаратәи азхаҵара аиураҿы ацхыраара аҟаҵара.
"Ҳара ҳҟны аӡәы аказы ҳаниаҭабууа иаҳҳәоит "иҭабуп", ҳәа даалафит Сирил Бураман анапаҵаҩра аламҭалаз.
Апарламент аиҳабы Аԥсныҟа дааит иԥшәмаԥҳәыс Шарони апарламент амаӡаныҟәгаҩ Енн Мари Кеини ицны. Арҭ амшқәа ирылагӡаны дара рԥылеит Адәныҟатәи аусқәа рминистрраҟны, Аԥсны Жәлар Реизараҟны, Аԥсны Ахада ихаҭыԥуаҩ иҟны.
