Гьаргь Блаб игәалашәара иазку абокс азы атурнир Гагра имҩаԥысит

© Sputnik / Саида ЖьиԥҳаГьаргь Блаб игәалашәара иазку абокс азы атурнир мҩаԥысит
Гьаргь Блаб игәалашәара иазку абокс азы атурнир мҩаԥысит - Sputnik Аҧсны
Анапаҵаҩра
Yandex newsTelegram
Гагра араион ахақәиҭтәраан иҭахаз, Леон иорден занашьоу Гьаргь Блаб игәалашәара ахьӡала Пицунда имҩаԥысит абокс азы атурнир.

ГАГРА, жьҭаарамза 4 — Sputnik, Саида Жьиԥҳа. Гагра араион ахақәиҭтәраан иҭахаз, СССР аспорт азҟаза, Леон иорден занашьоу Гьаргь Блаб игәалашәара ахьӡала, есышықәса Пицунда имҩаԥысуа абокс азы жәларбжьаратәи атурнир хырқәшоуп.

Гьаргь Блаб ихьӡ зху абокс азы 22-тәи атурнир еиҿкаан, аибашьҩы игәалашәара ахьӡала иҭаацәа иаԥырҵаз агәыҳалалратә фонд амчала, Аԥсны абҩарҵәыреи аспорти Рхеилак адгыларала.

Атурнир иалахәын 250-ҩык инарзынаԥшуа аспортсменцәа қәыԥшцәа. Урҭ еихшан рықәратә категориақәа рыла. Иазгәаҭатәуп сынтәа, алахәцәа ргеографиа аҽшарҭбааз. Дара ааит Урыстәыла 24 региони Нхыҵ-Кавказ атәылақәеи рҟнытә. Хазы атурнир рҽаладырхәит 59-ҩык аԥсуа спортсменцәагьы. Гагра ақалақь ахьыӡ рыхьчон, азыҟаҵаҩцәа Елизбар Џьологәуеи Едгар Қриеи рнапхгарала Гагратәи абокс азы ашкол ааӡамҭацәа хәҩык.

Дара зегьы аԥхьахәтә ҭыԥқәа ирыԥсахеит. Ус Герман Арџьениа актәи аҭыԥ даԥсахеит. Иара ианашьан атехника ҷыдазгьы аҳамҭа. Аҩбатәи аҭыԥ ааникылеит Рамин Ӡыба, ахԥатәи аҭыԥқәа ааныркылеит Ҳаџьараҭ Қардиеи Наиль Цкуеи Данил Карамышеви.

Иазгәаҭатәуп, хәымш рыҩнуҵҟа ишымҩаԥысуаз акыр аинтерес зҵаз аиԥыларақәа, еиҳарак аҵыхәтәантәи амш азы.

Аспортсменцәа реиԥыларақәа дрыцклаԥшуан, Урыстәылатәи еизгоу ақәыԥшцәа ркоманда азыҟаҵаҩ еиҳабы, Урыстәыла зҽԥсазтәыз азыҟаҵаҩ Николаи Павлов. Иара ари атурнир даҭаауеижьҭеи уажәшьҭа 10 шықәса ҵуеит, иагьалиԥшаауеит Урыстәылатәи еизгоу ақәыԥшцәа ркомандахь алаҵаразы аԥсуа боксиорцәа. Атурнир аӡбаҩ хадас даман Урыстәыла зҽаԥсазтәыз азыҟаҵаҩ, СССР аспорт азҟаза Вартан Акопиан. Иаргьы 15 шықәса ҵуеит ари атурнир далахәуижьҭеи.

"Ари атурнир есышықәса аинтерес рызцәырнагоит аспортсменцәа қәыԥшцәа. Иазнарҳауеит рԥышәа. Сара сзы игәахәара дууп, Гьаргь Блаб иеиԥш иҟаз апатриот дуи аспорт азҟазеи ихьӡынҩылоу атурнир алахәра", — иҳәеит аспортсмен.

Атурнир даҭааны дыҟан, Аԥсны абокс азы Афедерациа ахада Давид Аршба.

"Аспортсменцәа рԥышәа аизырҳареи алахәцәа зегьы аспорттә еиҩызара рыбжьаҵареи рнаҩс, атурнир аиҿкааҩцәеи адгылаҩцәеи хықәкы хадас иҳамоуп Гьаргь Блаб ихьӡ акамыршәра", — ҳәа азгәеиҭеит Давид Аршба.

Иара убас аԥхьахәтә ҭыԥқәа аанызкылаз дрыдныҳәалеит. Гьаргь Блаб дҭахеит, Гагратәи ажәыларатә аоперациаан, жьҭаара 2 1992 шықәсазы.

Ажәабжьқәа зегьы
0