АҞӘА, жьҭаара 12 – Sputnik, Рада Ажьиԥҳа. Аԥсуа сахьаҭыхыҩцәа Гарри Дочиа, Руслан Габлиа, Васили Мхонџьиа, Руслана Чхабелиа аибашьратә хроника аазырԥшуа ркарикатуратә ҭыхымҭақәа рцәыргақәҵа аатит Аҟәа, Владислав Арӡынба ихьӡ зху амузеи аҟны.
Владислав Арӡынба идҵала марттәи ажәылара ашьҭахь иаԥҵан агитациеи апропогандеи рыҟәша. Аԥсуа сахьаҭыхыҩцәа Гарри Дочиа, Руслан Габлиа, Васили Мхонџьиа, Руслана Чхабелиа рҟазара аадырԥшит акарикатура аусхк аҟынгьы. Апропоганда иахәҭаку аполитикатә карикатура идеологиатә абџьарын усҟантәи аамҭазы ҳәа азиԥхьаӡоит аибашьраан апропаганда аҟәша аиҳабыс иҟаз асахьаҭыхыҩ Витали Џьениа.
"Аполитикатә карикатура апропоганда иахәҭакуп. Аҟазара аибашьра атема изацәхьаҵуамызт", — иҳәоит Џьениа.
Џьениа иажәақәа рыла асахьаҭыхыҩцәа Гарри Дочиа, Руслан Габлиа, Васили Мхонџьиа, Руслана Чхабелиа рҟазарала аӷа ихаҿсахьа рыцҳаха, игаӡаха иаарԥшын.
"Аусумҭақәа зегьы ирылкаан 36 сахьа. Урҭ аибашьраан информациатә материалк аҳасабала ахархәара рыман", — иҳәоит Џьениа.
Акарикатурақәа рцәыргақәҵа мҩаԥысуеит ҩымз рҟынӡа.
