АҞӘА, жьҭаара 13 — Sputnik. Шьамтәыла ажәлар рхала ирыӡбароуп ртәыла анапхгара иаҟазшьахо, иҳәеит Ҭырқәтәыла Аԥыза-министр ихаҭыԥуаҩ Нуман Куртулмуш. Шьамтәылатәи ахҭысқәа адунеи аибашьра иазааигәанатәуеит ҳәа азиԥхьаӡоит иара.
Нуман Куртулмуш иҳәоит: "Иарбанызаалак аибашьра ахԥатәи анапқәа рыла ихдыртуеит, иагьымҩаԥыргоит. Шьамтәылатәи ахҭысқәа ирыхҟьаны Америкеи Урыстәылеи еиҿанагаланы иҟоуп. Уи даара ишәарҭоуп" ҳәа.
Иара иазгәеиҭеит Шьамтәыла шьамтәылаа шракәу изтәу.
"Ҳара азин ҳамам урҭ анхашьа дырҵара. Уи азин имам Асадгьы, азин рымам урыстәылааи америкааи. Ажәлар роуп ахадара злоу", — иҳәеит иара.
