Ажьиба: арепатриациаз аҳәынҭқарратә программа апроект хиоуп

© Sputnik / Томас ТхайцукРамиль Ажьиба.
Рамиль Ажьиба. - Sputnik Аҧсны
Анапаҵаҩра
НовостиTelegram
Арепатриациаз аҳәынҭқарратә программа апроект аус адуларазы акомиссиеи аусутә гәыԥи русура атәы далацәажәеит акомиссиа алахәыла Рамиль Ажьиба.

Рамиль Ажьиба Sputnik акорреспондент Бадраҟ Аҩӡба изеиҭеиҳәеит имҩаԥгоу аус атәы.

— Рамиль, акомиссиа заԥҵааз, насгьы иарбан напынҵақәоу иара инанагӡоу?

— Акомиссиа аԥҵан Аԥсны Ахада инапынҵала. Уа иазгәаҭан арепатриациаз Аҳәынҭпрограмма аус адулара шхымԥадатәиу. Иахьынӡаздыруа акомиссиа еиҿкаан абри ахырхарҭаҟны ацхыраара зурц зҭаху ауаа рыла. Акомиссиа еиҳа хра аманы аус ауларц азы арепатриациаз Аҳәынҭеилакы ахантәаҩы Вадим Ҳаразиа иазиԥхьаӡеит аусутә гәыԥ еиҿкаатәуп ҳәа.

— Апрограмма аус адулараан аусутә гәыԥ уадаҩрақәас иаԥылозеи?

— Уадаҩра ҳәа рацәак уԥылаӡом, избанзар ҳара ҳазхыԥшылаша апрограммақәеи аметодологиақәеи ыҟоуп. Апрограмма аҩра аетапқәа алкаан.

— Иарбан пунктқәоу адокумент иалалаз?

Арепатриациазы аҳәынҭқарратә еилакы ахада ихаҭыԥуаҩ Гугуца Џьыкырԥҳа л - Sputnik Аҧсны
Џьыкырԥҳа: Аԥсны инхо ҳџьынџьуаа рызҵаабӷьыцтә дыррақәа реизгара ҳалагоит

— Аҳәынҭпрограмма апроект иалалеит: аҭагылазаашьа анализ, абри ахырхарҭала аҳәынҭқарра аусура анагӡаразы амеханизмқәеи асоциалтә хәдықәҵарақәеи рнорматив-зинтә шьаҭа апроектқәа. Урҭ рыда аусура аоператив-еиҿкаарахь аиасра ҵаҵӷәыдоуп, алҵшәагьы ҟалом.

Аҳәынҭпрограмма ахьынӡаларҵәахо иаԥҵахоит аусҳәарҭабжьаратә комиссиа. Аҳәынҭпрограмма аларҵәахалоит аамҭа-аамҭала 2017 шықәса инаркны 2021 аҟынӡа. Актәи аетап аан иазыԥхьагәаҭоуп аҳәаанырцә инхо ҳџьынџьуаа рыԥсадгьыл ахь рыхынҳәра аиҿкаараз ихымԥадатәиу анорматив-зинтә актқәа рыдкылара.

Уи адагьы ихымԥадатәины иҟоуп Аԥсны Аҳәынҭқарра аҩныҵҟаи анҭыҵи Аҳәынҭпрограмма аинформациатә дгылара аҭара амҩаԥгара, аус адулара. Аҩбатәи аетап аан иазыԥхьагәаҭоуп апрограмма алахәылацәеи урҭ рҭаацәарақәа рлахәылацәеи Аԥсны Аҳәынҭқаррахь рыхынҳәраз аҭагылазаашьақәа рзаԥҵара. Ҳусураан ҳара иҭаҳҵааит егьырҭ аҳәынҭқаррақәа рԥышәа. Апрограмма анаукатә ҵаҵӷәы аҭаразы ацхыраара ҳаиҭон академик Ҭимур Ачыгәба.

— Избан уаанӡа Аҳәынҭқарратә программа аус задрымулоз?

— Уи азҵаара еснагь ицәырҵуан. Иадыргалон аҵарауаа, апрограмма акәымкәа аконцепциа аус адызулоз. Аха апрограмма программоуп. Уи асистематә знеишьа амоуп, иара аҩраан ахархәара аҭатәуп аконцептуалтә ԥҟарақәа. Урҭ аԥҟарақәа ртәы ҳҵарауаа ибзианы ирдыруеит. Иааидкылан иуҳәозар, уаанӡа идырхиахьаз зегьы асистема рзуны ихыркәшоу адокумент ҟазшьа рыҭатәуп. Аҳәынҭпрограмма апунктқәа зегьы рынагӡаразы Аминистрцәа Реилазаара ақәҵарақәа 11 рҟынӡа аҭахуп. Уи ашьҭахь аус рыдулатәуп аиҿкаара-напхгаратә уснагӡатәқәеи аинформациа-аналитикатә мҩаԥгареи.

— Амеханизм система ҳасабла аус аурц иҟаҵатәуи?

— Шәара ижәбоит азҵаарақәа рҭак аҟаҵаразы аимак-аиҿак шаҭаху. Уи азы апроблема иалацәажәаны аҭагылазаашьа аҽаԥсахырц иҟаҵатәу алкаатәуп: арепатриациаз аҳәынҭпрограмма ахәаԥшреи ашьақәырӷәӷәареи рзы аусура хацырктәуп; амониторинг мҩаԥгатәуп ҳџьынџьуаа ргәаанагаразы; Апарламент аҟны «Арепатриациа моралтә уалуп» атемала ацәажәарақәа еиҿкаатәуп; арепатриациа аусхк аҟны азакәанԥҵаратә актқәа рҿы рхы иадырхәо атерминқәеи аилкаарақәеи акоментарриақәа рзутәуп.

Сгәы иаанагоит зегьы еицырдыруеит ҳәа адемографиатә политика амилаҭи аҳәынҭқарреи реиқәырхара иазҵаара хаданы ишыҟоу. Убри инақәыршәан ауп изаԥҵаз Адемографиатә фонд. Арепатриациазы аҳәынҭеилазаара ззырхоу Аԥсны анҭыҵ инхо ҳџьынџьуаа рыԥсадгьыл ахь рырхынҳәразы аусуроуп.

Ҳара ҳџьынџьуаа рҭоурых ԥсадгьыл ахь рыхынҳәра ацхраара ҳара иаҳуалԥшьоуп. Вадим Ҳаразиа убри аганахьала ииашаны иазгәеиҭеит – милаҭтә идеиоуп.

Ажәабжьқәа зегьы
0