Хашим Архага: Аԥсны ԥҟарада ақәԥара аԥеиԥш бзиа амоуп

© Sputnik, Бадрак Авидзбаақәԥара еилаԥсоу ахкқәа рыла арабтәылақәа рчемпион Хашим Архага
ақәԥара еилаԥсоу ахкқәа рыла арабтәылақәа рчемпион Хашим Архага - Sputnik Аҧсны
Анапаҵаҩра
Иорданиа иҟоу аԥсуа-адыга диаспора ахаҭарнак, ақәԥара еилаԥсоу ахкқәа рыла арабтәылақәа рчемпион Хашим Архага Sputnik иазеиҭеиҳәеит Аԥсны иҟазаара атәы

Аԥсуа мҳаџьырқәа рхылҵшьҭра Хашим Архага Sputnik акорреспондент Бадраҟ Аҩӡба изеиҭеиҳәеит аспортсмен имҩа шхациркызи Аԥсны иҟазаареи ртәы.

– Хашим, шәара раԥхьаӡа акәны Аԥсныҟа шәааит. Уаанӡа ижәдыруааз Аԥсназы?

– Сара еснагь издыруан сышьҭамҭа арахьынтә шакәыз. Ажәала аҳәашьа уадаҩуп, аха сыҩныҵҟа еснагь Аԥсныҟа исыхоит. Амҳаџьырра ашьҭахь сабду Ҟабарда-Балкариаҟа дыбналеит. Егьи сабду Иорданиаҟа днеиит, Амман ааигәара ишьапы икит. Саб иҟынтәи Аԥсны аӡбахә саҳауан. Саргьы еснагь исҭахын сџьынџь ахь сцаны абара. Арахь санааи иааџьоушьаратәы зегь сара исызгәакьаны, сара истәны избеит.

– Шәспорттә мҩа ишԥалагеи?

Александр Тәанбеи Енрик Агрбеи Sputnik Аԥсны аҿы имҩаԥыргеит апресс-конференциа - Sputnik Аҧсны
Тәанба: Аԥсны азы ари иҿыцу спорт хкуп

–Саб арратә ԥырҩуп. Иара еснагь иҳәон ахаҵа дыӷәӷәазароуп ҳәа. 15 шықәса анысхыҵуаз аспорт нап аласкит. Сара исҭахын зегьы идсырбарц еицырдыруа уаҩны сҟалар шалшоз. Уи адагьы Иорданиа аԥсуа-адыга диаспора рацәаӡам – ҳара ҳаӷәӷәазароуп. Ашкол аҟны хәыҷҵас ҳаислон. Ҳара ҳашмаҷызгьы еснагь аиааира аагон.

– Апрофессионалтә кариера шԥахацыркхеи?

– Джиу-джитсуи кикбоксинги рыла салагеит. 2010 шықәса рзы Иорданиа имҩаԥысуан ақәԥара еилаԥсоу ахкқәа рзы раԥхьатәи аицлабрақәа. Раԥхьатәи ақәгылараҟны сара сииааиит Египеттәи аспортсмен 23 секунд ирҭагӡаны.

Хышықәса рышьҭахь аҽа турнирк аҟны сииааиит Египет ачемпион Ибрагим Ассауи. Уи атурнир аан сара ааха соуит, акыр схәахәеит убри азы макьана аицлабрақәа аҽрылархәра сылшом.

– Аԥсуа спортсменцәас ижәдыруада? Шәышԥахәаԥшуеит Аԥсны аспорт аҿиашьа?

– Денис Царгәыш дыздыруеит, издыруеит егьырҭ аспортсменцәагьы маҷҩымкәа. Даара исҭахын араҟагьы Нхыҵ Кавказ еиԥш аспорт аҿиара бзиа амазарц. Издыруеит Аҟәа ишымҩаԥысуаз еилаԥсоу ақәԥаразы атурнир, сгәы иаанагоит уи аспортхкы аԥеиԥш аман иҟалап ҳәа.

Ажәабжьқәа зегьы
0