Аԥснытәи аделегациа Санкт-Петербургтәи афорум иалахәхоит

© Sputnik / Алексей Даничев / Амедиаҵәахырҭахь аиасраАԥснытәи аделегациа Санкт-Петербургтәи афорум иалахәхоит
Аԥснытәи аделегациа Санкт-Петербургтәи афорум иалахәхоит - Sputnik Аҧсны
Анапаҵаҩра
Акультуреи аҭоурых-культуратә баҟақәа рыхьчареи рзы аминистр Ельвира Арсалиаԥҳа зхадараҿы дыҟоу Аԥснытәи аделегациа алахәхоит V Санкт-Петербургтәи жәларбжьаратәи акультуратә форум аусура. Иара азкуп еицырдыруа акомпозитор Сергеи Прокофиев диижьҭеи 125 шықәса аҵра.

АҞӘА, абҵара  30 – Sputnik, Анжелика Бениаԥҳа. V Санкт-Петербургтәи жәларбжьаратәи афорум аҳәаақәа ирҭагӡаны имҩаԥысраны иҟоуп 2017 шықәса рзы Аԥсны Акультуреи аҭоурых-культуратә баҟақәа рыхьчареи рзы аминистрреи Урыстәылатәи Афедерациа Акультура аминистрреи рыбжьара аусеицура аплан анапаҵаҩра. Абри атәы  Sputnik иазаалыцҳаит Акультуреи аҭоурых-культуратә баҟақәа рыхьчареи рзы аминистр Ельвира Арсалиаԥҳа.

Аминистр лажәақәа рыла  араҟа еиԥылоит акультура, аполитика, абизнес уҳәа русхкқәа рхаҭарнакцәа адунеитәии урыстәылатәии акультуратә ԥсҭазаара алацәажәаразы.

"Афорум – хра змоу ҭыԥуп ҳколлегацәеи ҳареи ҳаиԥыларазы, ҳаилацәажәаразы, ҽаантәи ҳапланқәа рызхәыцразы", — лҳәеит Аԥсны Акультура аминистр.

Афорум иалахәхоит акультура аминистрцәа, адипломатиатә миссиақәа рхадацәа, акультуратә усҳәарҭақәа рнапхгаҩцәа, аҟазара аусзуҩцәа, акультуратә усеицура аусхк аҟны аекспертцәа.

"Сынтәа афорум ахь ҳцоит делегациа дуны. Ҵыԥх афорум аҳәаақәа ирҭагӡаны анапы аҵаҩын 2016 шықәсазтәи  ауснагӡатәқәа рыплан. Уажәы, шықәсыбжак иназынаԥшуа аус аауан, уи иалҵшәаны имҩаԥысраны иҟоуп 2017-2019 шш. рзтәи аусеицура апрограмма анапаҵаҩра", — лҳәеит аминистр.

Афорум аҳәаақәа ирҭагӡаны аҭоурых-культуратә Департамент аиҳабы Баҭал Кобахьиа ихы алаирхәран дыҟоуп асекциа  "Сохранение культурного наследия" аусура. Афорум аусутә программа иалоуп апленартә еилатәарақәа, астол гьыжьқәа,  адунеитә культура актуалтә хырхарҭақәа рганахьала амастер-классқәа.

"Жәларбжьаратәи акультуратә форум  мҩаԥысуеит хәышықәса. Аԥсны хынтәуп аҽаланархәуеижьҭеи. Афорум – хра змоу ҭыԥуп ҳколлегацәеи ҳареи ҳаиԥыларазы, ҳаилацәажәаразы, ҽаантәи ҳапланқәа рызхәыцразы", — лҳәоит Арсалиаԥҳа.

2016 шықәса ԥхынҷкәын 1-3 рзы имҩаԥысраны иҟоуп V Санкт-Петербургтәи жәларбжьаратәи акультуратә форум аусура. Иара азкуп еицырдыруа акомпозитор Сергеи Прокофиев диижьҭеи 125 шықәса аҵра.

Ажәабжьқәа зегьы
0