Калиагина: атуроператорцәа зегьы реидкылара ҳагәҭакуп

© Sputnik / Томас ТхайцукАнна Калиагина
Анна Калиагина - Sputnik Аҧсны
Анапаҵаҩра
Ауаажәларратә еиҿкаара "Аԥсны атуризм азы Ахеилак" ӡырнагеит Аԥсны Ахәаахәҭра-ааглыхратә палата, ахаша, абҵара 30 рзы Аҟәа.

"Аԥсны атуризм азы Ахеилак" Анна Калиагина ҳкорреспондент Бадри Есиава изеиҭалҳәеит ахелак ахықәкқәа ртәы.

- Анна Владимир-иԥҳа, избан Ахеилак заԥҵо? Хықәкы хадақәаны иамоузеи иара?

— Раԥхьа иргыланы ахеилак аԥҵоуп  Аԥсны аҵакырадгьыл аҟны аус зуа атуристтә еиҿкаарақәа зегьы реидкыларазы. Ҳара агәра аагоит ҳҽеидкыланы апроблемақәа рыӡбра еиҳа иҳалшап ҳәа.

- Апроблемақәа ҳанрылацәажәа, реиҳа иҵару проблеманы иамоузеи Аԥснытәи атуризм?

— Апроблемақәа рацәоуп: амаҵзура, амаҵзура ахаҭабзиара, аинфраструктура уҳәа акыр хкы.

- Шәара шәнапы иану аус аҵакы дууп. Абри аусхк аҟны ԥышәас ишәымоузеи?

— Ԥышәа дук сымоуп сызҳәом атуризм аганахьала. Аԥышәа еиҳаны исымоуп аресторантәи асассирҭатәи бизнес аҟны. Ҩышықәса раԥхьа аиҿкаара ааҳартит, уаанӡа хатәнаплакҩык иаҳасабала аус зуан. Аԥышәа акәзар, аиҳарак уи аамҭоуп иузҭо. Сара атәым ҳәынҭқаррақәа рԥышәа, русура ҭысҵаауан. Ҳәарада ҭыԥк аҟны аангылара ҟалом. Еснагь ԥхьаҟа ицалатәуп.

- Атуризм аганахьала иарбан тәылақәоу зԥышәа еиҳа ара ихәарҭахаша?

— Сара исгәаԥхеит Зеландиа ҿыц аԥышәа. Уи Аԥсны ишеиԥшымгьы иазааигәоуп.

- "Аԥсны атуризм азы Ахеилак" иалахәылада, алхрақәа шԥамҩаԥысуеи?

— Ааԥынра аахыс абри аус ҳаҿуп. Абарҭ аамҭақәа ирылагӡаны ирацәоуп  иҳалахәхаз аиҿкаарақәа. Иҟоуп "аусура шәалагар, ҳнеиуеит" ҳәа зҳәазгьы. Атуризм знапы алаку зегьы ҳадҵаалар рылшоит.

Ажәабжьқәа зегьы
0