Ҭырқәтәыла иҟоу аҧсуа акультуратә центрқәа рфедерациа иҟанаҵаз аԥсуа жәлар рахь ааԥхьара хәҭакахьала абас аҳәоит:
"Ҳазҭагылоу аамҭа акырӡа ишыуадаҩу, насгьы саԥсыуоуп ҳәа зхы зыԥхьаӡо аӡәгьы игәы ишамыхәо зегьы еицаадыруа усуп. Зықьҩыла ҳҵеира рхы, рыԥсы ақәҵаны, ҳазҭахыз, иҳадгылаз зегьы рааԥсареи рыгәаӷьреи иалҵшәаны ҳнапаҿы иааҳгаз ҳхақәиҭреи, ҳхьаԥшымреи, ҳзыхӡыӡааша ак акәны иҳаԥхьаӡоит. Иара убри инақәыршәаны, ҳауаажәлар зегьы, адемократиатә ԥҟарақәеи, азакәанқәеи, ижәытәӡоу ҳкультура ишақәнагоу ала ахымҩаԥгашьа ашҟа ааԥхьара рзыҟаҳҵоит", — аҳәоит ааԥхьара.
Аҟазаареи аҟамзаареи рҳәаақәа ирҭысны, жәытә-натә аахыс ажәларқәа рыбжьара хьӡи-ԥшеи рыманы аҭыԥ аанызкылаз аԥсуа жәлар, иззымиааиша усӡам иахатәи ауадаҩра, ҳәа азгәаҭоуп ааԥхьара аҿы.
