АҞӘА, ԥхынҷкәын 15 — Sputnik, Роберт Џьопуа. Аоппозициатә мчрақәа имҩаԥыргоит жәлар реизара. Аизара хацыркхеит Аҟәа, Аԥсуа драматә театр аҿаԥхьа. Абри атәы ааицҳауеит ҳкорреспондент.
Еизаз рҿаԥхьа иқәгыло ирҳәоит иахьатәи атәыла анапхгара имҩаԥырго аполитика агәынамӡара шырнаҭо. Амитинг алахәылацәа иазгәарҭоит имҩаԥырго ауснагӡатәқәа азакәан аҳәаақәа ишырҭымгахо. Иара убри аан дара ргәы иҭам аимпра, Рауль Ҳаџьымба инапынҵақәа шьҭеиҵаанӡа.
Абҵара 30 рзы, апартиа "Амцахара" абыжьбатәи аизара ду аҟны ирылаҳәан ԥхынҷкәын 15 рзы ажәлар реизара мҩаԥгахоит ҳәа.
Иара убри аамҭаз атәыла Ахада идгылаҩцәа еизаны игылоуп Ахада Иусбарҭа аҿаԥхьа.
