Чкадуаԥҳа: аҟазаратә школ "Абаза" акәашацәа Польша ацара ргәы иҭоуп

© Sputnik / Томас ТхайцукЦиала Чкадуаԥҳа
Циала Чкадуаԥҳа - Sputnik Аҧсны
Анапаҵаҩра
НовостиTelegram
Ажьырныҳәа 8 инаркны 11-нӡа Москва ақалақь аҟны имҩаҧсуан афбатәи жәларбжьаратәи афестиваль-аицлабра "Москва аҟазара агәра агоит". Аҟазаратә школ "Абаза" аҟны актәи аҭыҧ аман ихынҳәит.

АҞӘА, ажьырныҳәа 25 — Sputnik, Рада Ажьиԥҳа.  Аҟазаратә школ "Абаза" акәашацәа Польша ацаразы агәҭакы рымоуп, абри атәы лҳәеит аҟазаратә школ арҵаҩы Циала Чкадуаԥҳа.

"Сынтәа Польша ацаразы агәҭакы ҳамоуп, апаспорт  азы ҧынгылақәак ҳзаҧырымҵар", — лҳәеит Циала Чкадуаԥҳа.

Асахьаркыратә напхгаҩы лажәақәа рыла, ҳазҭалаз Ашықәс ҿыц мышьҭабзиала ҳәа ихацнаркит аҟазаратә школ "Абаза".

"Ҧшьышықәса раахижьҭеи уи иалоу ахәыҷқәа раҧхьаӡакәны рҟазара ддырбеит Москва имҩаҧысыз афестиваль аҿы. Аицлабра ҕәҕәан, уи иалахәын  Урыстәылеи, Нхыҵ-Кавказтәи ареспубликақәеи рҟынтәи  акәашаратә гәыҧқәа", — ҳәа азгәалҭеит лара.

Иара убас, Циала Чкадуаԥха илҳәеит еиуеиԥшым аноминациақәа рҿы акәашацәа аӡәырҩы шалкааз.

Циала Чкадуа - Sputnik Аҧсны
Арадио
Циала Чкадуа: аҩны ианыҟо ргәы ҭынчны икәашоит

"Хазы аноминациақәагьы ыҟан, акәашацәа аӡәырҩы алкаан. Урҭ дреиоуоуп Инар Гәынба. Уи даныкәашоз аӡбаҩцәа гыланы рнапы еинырҟьон. Иара иаразнак ргәы икит. А-Гран-при инаваргыланы ари афестиваль аҟнытәти ҳара иаҳгеит актәи аҭыԥ, уи инаваргыланы адипломқәеи аҳаҭыртә шәҟәқәеи ҳанашьан", — ҳәа ацылҵеит уи.

Иааиуа ашықәсазы "Абаза" иахыҵуеит  25 шықәса.

Ажәабжьқәа зегьы
0