АҞӘА, ажьырныҳәа 30 – Sputnik, Бадраҟ Аҩӡба. ConIFA аверсиала Европа ачемпионат мҩаԥысраны иҟоуп рашәарамза 4 — 11 рзы, Аҩадатәи Кипр. Иара алахәразы аҵәҭаԥсара мҩаԥысит асабша, ажьырныҳәа 28 рзы. Абри атәы Sputnik акорреспондент иеиҳәеит ConIFA авице-президент Дмитри Паӷәаа.
"Акомандақәа ааба алахәхараны иҟоуп ConIFA аверсиала Европа ачемпионат 2017 шықәса рзы. Акомандақәа ҩба: Паданиа акомандеи Аҩадатәи Кипр акомандеи ҵәҭаԥсарада иалахәхоит", — иҳәеит иара.
ConIFA аверсиала Европа ачемпионат иалахәхоит: Паданиа, Аҩадатәи Кипр, Секеитәи атәылаҿацә, Лапландиа, адгьылбжьаха Мен, Ницца еизгоу акоманда иара убас Окситаниа.
Абжьыҭира иалахәын 40 —ҩык ConIFA алахәылацәа.
ConIFA еиднакылоит FIFA официалла иалахәым атәылақәеи автономиақәеи ркомандақәа. Иааидкылан урҭ ҩеижәихәба команда ыҟоуп.
2016 шықәса рзы Аԥсны имҩаԥысит ConIFA аверсиала Адунеи ачемпионат.
