"Ишыжәдыруа еиԥш, Ҭырқәтәыла ашьҭахь, зегь реиҳа аԥсуа-адыга диаспора ахьырацәоу Иорданиа ауп. Хыԥхьаӡарала, аԥсуа-адыга диаспора шә-нызқь иреиҳауп, урҭ рахьтә хә-нызқь рҟынӡа иаԥсыуаауп", — иҳәеит Гогәуа.
Сонер Гогәуа иажәақәа рыла, Иорданиа инхо аԥсуа диаспора иатәу ауаажәлар даара аҳаҭыри апатуи змоу шьоук шракәу, урҭ рмилаттә ҵасқәеи ркультуреи ишазҿлымҳау, ишырхьчо.
Сонер Гогәуа далацәажәеит Аԥснытәи аделегациа Иорданиа иахьыҟаз имҩаԥыргаз аусқәа ртәы
"Жәларбжьаратәи афонд Аԥсны" аиҳабы агәра ганы дыҟоуп, аԥсуаа ахьыҟазаалакгьы урҭ Аԥсны иадԥхьалатәуп, аимадарақәа арӷәӷәара аҭахуп, ҳәа.
