Леуард Барцыц: ақәа, асы, аԥша аԥсабара иазеиӷьуп, иатәышьҭроуп

© Sputnik Томас Тхайцук / Амедиаҵәахырҭахь аиасраАԥсны илеиз асы
Аԥсны илеиз асы - Sputnik Аҧсны
Анапаҵаҩра
НовостиTelegram
Аԥсны агеографиатә еилазаара ахада Леуард Барцыц Аԥсны аҳауа аҽеиҭакра амзызқәа ртәы Sputnik акорреспондент илзеиҭеиҳәеит.

АҞӘА, жәабран 15 – Sputnik, Анжелика Бениаԥҳа. Аԥсны иахьаҵанакуа, иара адунеи зегь аҟынгьы, акыр аҽаԥсахит аҳауа аҭагылазаашьа, ҳәа иҳәеит Аԥсны агеографиатә еилазаара ахада Леуард Барцыц.

"Уи иадҳәалоу амзызқәа макьана инагӡаны иҭҵааӡам, аҵарауаа иаахтны ирзыҳәаӡом. Аха аԥсабараҟны аҽеиҭакрақәа аԥышәа змоу рыдагьы, ауаа ирымбарц залшом", – иҳәеит Барцыц. 

Аԥсны агеографиатә еилазаара ахада Леуард Барцыц иажәақәа рыла, адунеи аҟны Аԥсны даара иманшәалоу аҭыԥ амоуп.

"Ҳара амшыни ашьхақәеи ҳрыԥнуп. Урҭ рыбзоурала еиҳа иҟәымшәышәны иаҳхааҳгоит арҭ аҽеиҭакрақәа. Уажәы иаҳбо Аԥсны иаҵанакуа, изаамҭанытәиу, иҭышәынтәыло ԥсабаратә ҭагылазаашьоуп, ҳәа иазгәаҳҭар ҳалшоит. Ақәа анлеиуа, аԥша анасуа уи аԥсабара иазеиӷьуп, аԥсабара иатәышьҭроуп", – ҳәа иациҵеит Барцыц.

Иара иажәақәа рыла, иахьа асы хкәоит, уаҵәы амш ашьақәгылара иалагоит.

"Ахәаша инаркны аамҭа ҭышәынтәалоит. Ҳара ус ҳҳәоит ҳазыҟаҵаӡам ҳәа, аха ҳара иҳамдыруеи, аӡын ахьҭақәа шаауа, асы шлеиуа, аха ҳаԥсабареи ҳареи ҳаицәыхарахо ҳалагеит. Аԥсабара ҳацныҟәозар ауп, амаҵ азаҳулароуп усҟан еиҳа ҳаизыманшәалахоит", – ҳәа азгәеиҭеит Барцыц. 

Аԥсны агеографиатә еилазаара ахада Леуард Барцыц Sputnik Аԥсны иеиҭаз арадиоинтервиу шәазыӡырҩыр ҟалоит абра>>

Иара убас, Аԥсны агеографиатә еилазаара ахада иазгәеиҭеит жәабран уаҳа асы леиӡом ҳәа аҳәара шыцәгьоу атәы, аха ааԥын лассы иаҳԥылап ҳәа ҳгәыӷуеит, ҳәа ациҵеит.

Ажәабжьқәа зегьы
0