Арӡынба: атәыла аекономикатә хырхарҭа ԥсахра ақәым

© Sputnik / Томас ТхайцукАекономика аминистр Адгәыр Арӡынба
Аекономика аминистр Адгәыр Арӡынба - Sputnik Аҧсны
Анапаҵаҩра
НовостиTelegram
Аекономика аминистрра Аҟәа имҩаԥнагеит аусхктә стратегиақәа рӡыргара.

АҞӘА, жәабран 21 – Sputnik, Амра Амҷыԥҳа. Атәыла анапхгараҿ иҟоу дарбанызаалак ихьмырԥшыкәа аекономикатә хырхарҭа ԥсахра амоуроуп, иҳәеит ажурналистцәа дрыҿцәажәо Аекономика аминистр Адгәыр Арӡынба. Иара иажәақәа рыла еиуеиԥшым атәылақәа рҟнеиԥш Аԥсынгьы иубар алшоит атәыла анапхгарахь инеиуа ирхьырԥшны аекономикатә хырхарҭа аԥсахрақәак.

"Ари иашам. Алҵшәақәа риура алшоит акраамҭатәи аусуреи аԥеиԥши рхархәарала. Аполитикатә ҭагылазаашьа аԥсахра аекономикатә ҭагылазаашьа анырра анамҭозароуп", — иҳәеит аминистр.

Арӡынба игәаанагарала Аԥсны иҿыцу аҭоурыхаамҭаз раԥхьаӡа акәны аҳәынҭқарра анапхгара аҭара апрограмматә напхгараҭара асистема иауарашәаны имҩаԥырго иалагеит.

"Уаанӡа хаҭалатәи аԥшьгарақәа лассы-лассы дара-дара еиҿагылон. Уажәы аҽа методк ала аҳәынҭқарра анапхгараҭара нап алаҳкит. Ирацәоуп апрограмматә напхгараҭара асистемала аус зуа атәылақәа. Уажәы Аԥсынгьы уи амҩа иқәлеит", — иҳәеит Арӡынба.

Адгәыр Арӡынба дазааҭгылеит шықәсык аҩныҵҟа аус шадырулоз Аԥсны аекономикатә ҿиара апрограмма.

"Уажәы ҳара уи ахыркәшара ҳазкылсит. Иалкаауп аԥыжәара ззутәу аусхкқәа. Аиҳарак арахь иаҵанакуа атуризм, ақыҭанхамҩа, ауҭраҭыхааӡара, ашәырааӡара роуп", — иҳәеит аминистр.

Аӡыргарахь инаԥхьан Ақыҭанхамҩа аминистрра, Ақыҭанхамҩа Аинститут, анаплакыҩцәа. Аграртә бизнес рхаҭарнакцәа.

Аусхктә стратегиақәа рӡыргара мҩаԥган 2025 шықәсанӡатәи Аԥсны Аҳәынҭқарра аекономикатә ҿиара Апрограмма аҳәаақәа ирҭагӡаны.

Ажәабжьқәа зегьы
0