21-тәи ашәышықәса атуризм: иалагалатәуи Аԥсны

© Sputnik Владимир БегуновАтуризм аҿиара иазкыз астол гьежь мҩаԥысит
Атуризм аҿиара иазкыз астол гьежь мҩаԥысит - Sputnik Аҧсны
Анапаҵаҩра
НовостиTelegram
"Аинформациатә атуристтә ресурсқәа - Аԥсны атуризм аҿиаразы ахархәага аҳасаб ала" атемала астол гьежь мҩаԥысит Аҟәа.

Аԥсны атуристтә бренд аԥҵареи атуристцәа ареспублика радыԥхьалашьеи ирылацәажәон астол гьежь аҟны "Атуризм азы Аԥснытәи ахеидкыла" апрезидент Анна Калиагина, Афонд "Ишьхатәылоу Аԥсны" аиҳабы Ҭенгьиз Ҭарба, аотелиерцәа ргильдиа аиҳабы Игорь Жигун, Sputnik Аԥсны аиҳабы Руслан Бганба, Аекономика аминистрреи, Ахәаахәҭра-ааглыхратә палатеи рхаҭарнакцәа.

Sputnik, Владимир Бегунов.

Акурортқәеи атуризми рминистрра ахаҭарнакцәа рыҟамзаара инадҳәаланы, аилацәажәара мҩаԥысуан ажәалагалақәеи аԥшьгарақәеи рыҩаӡарала. Аԥсны атуристтә бренд аԥҵара излацәажәоз атемақәа ирхадан.

"Асеиԥш иҟоу абрендқәа ыҟоуп атәылақәа жәпакы рҟны – иҳәеит Ҭенгьиз Ҭарба. — Иахьатәи аамҭазы Аԥсназы аҳәынҭқарратә атрибутика азхоны иҟам. Иҳамазароуп атуристтә логотип", — иҳәеит иара.

"Атуризм азы Аԥснытәи ахеидкыла" апрезидент Анна Калиагина иазгәалҭеит, ареспубликаз иаку абренд аԥҵара амаркетингтә методқәа ируакуп, иара атуризм аџьармыкьа алахәылацәа зегьы алацәажәароуп ҳәа. Атуристцәа еиуеиԥшым аресурсқәа рҟынтәи еиуеиԥшым аинформациа роуеит.

Астол гьежь алахәылацәа ражәақәа рыла асеиԥш иҟоу абренд аус аднаулоит Аԥсны Акурортқәеи атуризми рминистрра.

Ҭенгьиз Ҭарба иҳәеит атопонимика аганахь алагьы апроблемақәа ыҟоуп. Ҭыԥқәак рганахь ала аинформациа аҟамзаараан атуроператорцәа рхатәы ҭоурыхқәа рхәыцуеит, нас уи атопоним атурист игәалашәараҿы иаанхоит, ҿырԥшыс иааугозар уажәраанӡагьы Арабика / Арбаика ҳәа ҩбаны ирҳәоит.

Sputnik Аԥсны аиҳабы Руслан Бганба еиҭеиҳәеит атуристцәа рыбжьара аӡынтәи Аԥсны аԥсшьара еиҳа-еиҳа аԥыжәара аиуа ишалагаз. Sputnik 2016 шықәса рзы ареспубликаҿы аԥхынтәии аӡынтәии аԥсшьаразы иазнархиеит алонгридқәа ҩба.

Арҭ амҩаԥгара маҷқәа рҟны аҭыԥантәи ачыс, аҭыԥ ԥшӡаррақәа, ақьабызқәа, ахәқәа уҳәа ирылацәажәоит. Ԥхьаҟазы аинформациатә маҵзура иагәҭакуп абри атема арҭбаара.

Анна Калиагина иазгәалҭеит англыз бызшәала Аԥсны ахцәажәара шмаҷу.

"Аинтернет англыз сигмент аҟны уԥшаар иумԥыхьашәоит Аԥсны иазку аматериалқәа, аха Аԥсны атуризм иазку зынӡа имаҷуп", — лҳәеит лара.

Лара ажәалагала ҟалҵеит иаку аинформациатә ресурс аԥҵазарц.

Ахәаахәҭра-аааглыхратә палата атуризм азы Аусбарҭа аиҳабы Инара Даурова ирыдылгалеит Аԥсны еиуеиԥшым ақалақьқәа рҟны атурист цәыргақәҵақәа есышықәса имҩаԥгахаларц.

Инара Даурова лажәақәа рыла европатәи атуристцәа Аԥсныҟа раара ауадаҩра аинформациа амамзаара адагьы авизақәагьы ирыдҳәалоуп. Дара Аԥсны алалара рылшоит акырынтәтәи урыстәылатәи авиза рымазар.

Астол гьежь алахәылацәа ажәалагала ҟарҵеит атуристтә тәылақәа жәпакы реиԥш акурорттә сезон ныҳәак еиԥш аартра мҩаԥгахаларц.

Астол гьежь аҟны излацәажәоз, иҟаҵаз ажәалагалақәа Аԥсны Акурортқәеи атуризми рминистррахь инашьҭхоит.

Ажәабжьқәа зегьы
0