АҞӘА, хәажәкыра 6 – Sputnik, Бадраҟ Аҩӡба. Аҟәа аӡыржәтә аанкылахоит хәажәкыра 7 азы асааҭ 18 рҟынӡа, ҳәа аанацҳауеит "Аӡыканал". " Ажәытә ҳабла, ашьхара иахьаԥну, ВИЕМ иахьаҵанакуа аӡы аанкылахоит хәажәкыра 7 азы 00:00 инаркны 18:00 сааҭ рҟынӡа", ҳәа адырра ҟаиҵоит АУН "Аӡыканал" аиҳабы Ҭенгьиз Кәыҵниа. Иара убасгьы иазгәеиҭеит аӡы аанкылара шыпланыркымыз.
"Аӡы аанкылара ақалақь аҩныҵҟа имҩаԥыргараны иҟоу аремонттә усурақәа ирымадоуп. Еиуеиԥшым аҭыԥқәа рҟны аамҭак иақәыршәаны атрубақәа аӡы рыцәцо иалагеит", — иҳәеит Кәыҵниа.
Ажәытә ҳабла, ашьхара иахьаԥну, ВИЕМ иахьаҵанакуа аӡы аанкылахоит хәажәкыра 7 азы 00:00 инаркны 18:00 сааҭ рҟынӡа.
