Аконцерт аалыртит хәышықәса зхыҵуа Викториа Ҵулукиаԥҳа. Лара иналыгӡеит Анатоли Алҭеиба иашәа "Аӡынтәи абаҳча". Викториа Ҵулукиаԥҳа лоуп иреиҵбу агәыԥ аҟны аиааира згазгьы. Аконкурс рхы аладырхәит Аԥсны ахы-аҵыхәа аҟынтәи 50-ҩык рҟынӡа аҿар. Аконкурс аҟны ихымԥаданы иҟан аԥсуа ашәак аҳәара. Аконкурс аиҿкааҩ Нури Кәарҷиа иазгәеиҭеит, асценахь инеиз ахәыҷқәа зегьы раԥхьаӡа акәны шакәу асеиԥш иҟоу асцена ду аҿы ишықәгылаз.
Арахь иааит Аԥсны ахы-аҵыхәа зегь аҟынтәи аҟазара злоу ахәыҷқәа. 7-9 шықәса ирыҵаркуа рыбжьара – Сара Абрамиан. Иара убасгьы аконкурс иалахәын 15-17 шықәса зхыҵуаз ашәаҳәаҩцәа. Уи агәыԥ рыбжьара аиааира игеит Ромео Чаава (Гал). Адуетқәа рыбжьара актәи аҭыԥ аӡәгьы иаҭәашьамызт. Аҩбатәи аҭыԥ ааныркылеит аиҳәшьцәа Гадлиаа, ахԥатәи – аиҳәшьцәа Ҵышәаа.
Инарҭбаау ажәабжь шәаԥхьар ҟалоит абра
Сара Абрамиан "Аԥсны 67" арепертуар аҟынтәи иналыгӡаз ашәа "Сыԥсадгьыл Аԥсны" ажиури даара гәаԥхарыла ирыдыркылеит. Аҩбатәи Сара лашәа Наргиз Закирова лрепертуар аҟынтәин. Азал зегьы напеинҟьарыла ирыдыркылеит Сара лықәгылара. Лықәра зықәраз рыбжьарагьы актәи аҭыԥ аанылкылеит
